رەسەي مەن گرۋزيا اراسىندا ۆيزاسىز رەجيم ورناماق
بۇگىن رەسەي پرەزيدەنتى ۆلاديمير پۋتين گرۋزياعا قاتىستى بىرقاتار جارلىقتار قابىلدادى. بۇيرىقتار ۆيزاسىز رەجيم مەن اۋە قاتىناسىنا بايلانىستى، دەپ حابارلادى Arbat.media.
رەسەيدە 15 مامىردان باستاپ گرۋزيا ازاماتتارى ءۇشىن بارلىق ۆيزالىق شەكتەۋلەر الىنىپ تاستالدى. گرۋزيا ازاماتتارى رەسەيگە 90 كۇنگە دەيىن ۆيزاسىز كىرە الادى.
سونىمەن قاتار، پۋتين 2019 جىلدىڭ 21 ماۋسىمىنان باستاپ تىيىم سالىنعان اۋە قاتىناسىنا رۇقسات بەردى.
بۇعان دەيىن بۇل تىيىمنىڭ سەبەبى رەتىندە رەسمي ءتبيليسيدىڭ «رۋسسوفوبيالىق ناۋقاندارى» مەن رەسەيگە قاتىستى «سالماقتى ساياسات ۇستانباۋى» اتالاتىن.
Abai.kz
