الماتىدا 14 مامىردا «جانۋارلارعا جاۋاپكەرشىلىكپەن قاراۋ تۋرالى» زاڭنىڭ ورىندالماۋىنا قاتىستى اكىمدىكپەن كەلىسىلگەن ميتينگ وتەدى. بۇل تۋرالى «KARE-زابوتا» قوعامدىق قورىنىڭ وكىلدەرى ءمالىم ەتتى. 

ميتينگ 14 مامىر كۇنى ساعات 12:00-دەن 14:00-گە دەيىن «سارى ارقا» كينوتەاترىنىڭ ارتىنداعى سكۆەردە وتەدى دەپ جوسپارلانۋدا.

«KARE-زابوتا» قق مالىمەتىنشە، ميتينگتىڭ ماقساتى:

- قر جەرگىلىكتى اتقارۋشى ورگاندارىنىڭ «جانۋارلارعا جاۋاپكەرشىلىكپەن قاراۋ تۋرالى» زاڭىن سابوتاجداۋ جانە ورىنداماۋعا قاتىستى قوعامدىق پىكىر ءبىلدىرۋ;

ازۆق (اۋلاۋ – زارارسىزداندىرۋ – ۆاكتسيناتسيا – قايتارۋ) باعدارلاماسىنىڭ ورىندالماۋى;

نەگىزگى سەبەپتەر جويىلماسا، جانۋارلاردى ءولتىرۋدىڭ تيىمسىزدىگى، اتاپ ايتقاندا ءۇي جانۋارلارىن جاۋاپسىز ۇستاۋ، ءوسىرۋ;

نقا بويىنشا رەسمي جۇمىس;

جانۋارلارعا جاۋاپكەرشىلىكپەن قاراۋ تۋرالى زاڭنامانىڭ تيىسىنشە ورىندالۋىن قوعامدىق باقىلاۋ سالاسىندا وكىلەتتىگىن ىسكە اسىرۋ ءۇشىن قوعامدىق ينسپەكتورلاردىڭ جۇمىسىنا كەدەرگى كەلتىرۋ;

جانۋارلارعا قاتىگەزدىك كورسەتۋ فاكتىلەرىنە بايلانىستى ءىىم تاراپىنان ءتيىستى شارالاردىڭ بولماۋى;

جانۋارلاردىڭ قاۋىپ العانى تۋرالى سەنىمسىز دەرەكتەر، سونداي-اق، وقۋ ورىندارىندا، باق-تا، بيلبورد، پلاكاتتاردا تانىستىرۋ باعدارلامالارىن ۇيىمداستىرۋدى تالاپ ەتۋ بولىپ تابىلادى.

«ميتينگ سانكتسيالانعان جانە الماتى قالاسىنىڭ اكىمدىگىمەن كەلىسىلگەن. ۇيىمداستىرۋشىلار: «KARE - زابوتا» قق، زوو-قوعامداستىق اليانسى، سونداي-اق ەرىكتىلەر»، - دەپ حابارلادى «KARE-زابوتا» قوعامدىق قورىنىڭ وكىلدەرى.

ايتا كەتەيىك، الماتى اكىمدىگىنىڭ ءباسپاسوز قىزمەتى ميتينگتىڭ اكىمدىكپەن كەلىسىلگەنىن راستادى.

Abai.kz