امەريكالىق Wall Street Journal جانە Politico باسىلىمدارى حاباردار دەرەككوزدەرگە سىلتەمە جاساپ، تسرۋ باسشىسى دجون رەتكليففتىڭ وسى اپتادا رەسەيگە جاساعان جاريالانباعان ساپارى بارىسىندا ماسكەۋگە «ناتو ەلدەرىنە»، اسىرەسە رەسەيمەن شەكتەسەتىن ەستونيا، لاتۆيا جانە ليتۆاعا «شابۋىل جاساۋعا جول بەرىلمەيتىنىن» ەسكەرتكەنىن جازادى.

بۇعان دەيىن WSJ باسىلىمى اقش ارناۋلى قىزمەتتەرىنىڭ قورىتىندىلارىنا سىلتەمە جاساي وتىرىپ، پرەزيدەنت ۆلاديمير ءپۋتيننىڭ ناتو-عا مۇشە ەلدەردىڭ بىرىنە جاڭادان شابۋىل جاساۋ ارقىلى «اليانستىڭ توزىمدىلىگىن تەكسەرۋگە» بەل بايلاۋى مۇمكىن ەكەنىن جازعان بولاتىن.

رەتكليففتىڭ ماسكەۋگە ساپارى الدىن الا حابارلانعان جوق، ونىڭ كۇن ءتارتىبى مەن ناتيجەلەرى تۋرالى ۆاشينگتون دا، ماسكەۋ دە رەسمي مالىمدەمە جاساعان جوق. كرەمل وكىلى ءپۋتيننىڭ رەتكليففپەن كەزدەسپەگەنىن جانە تسرۋ باسشىسىنىڭ رەسەيگە «ارناۋلى قىزمەتتەرمەن بايلانىس ورناتۋ» ءۇشىن كەلگەنىن ايتۋمەن شەكتەلدى. اقش پرەزيدەنتى دونالد ترامپ رەتكليففتىڭ بۇل ساپارىن «جارتىلاي جوسپارلى» دەپ اتادى.

Politico باسىلىمى 2021 جىلدىڭ قاراشاسىندا تسرۋ-دىڭ سول كەزدەگى باسشىسى ۋيليام بەرنستىڭ دە كرەملگە ۋكرايناعا باسىپ كىرۋگە بولمايتىنىن ەسكەرتۋ ءۇشىن ماسكەۋگە بارعانىن ەسكە سالادى. ول ساپاردان كەيىن ءتورت ايعا جەتپەيتىن ۋاقىتتا ماسكەۋ سوعىس باستاعان ەدى.

Abai.kz