الماتى. 28 تامىز. قازتاگ – «قازترانسگاز» اق مەن BG Kazakhstan الماتىنىڭ اۆتوكولىگىن تابيعي گازعا كوشىرۋ تۋرالى كەلىسىمگە قول قايدى.

«كەلىسىم-شارت الماتىنىڭ اۋا باسسەينىن جاقسارتۋ ماقساتىندا اۆتكولىك وتىنى رەتىندە تابيعي گازدى پايدالانۋعا مۇمكىندىك بەرەتىن اۆتوگازتولتىرعىش كومپرەسسورلىق ستانتسيالار جەلىلەرىنىڭ قوندىرعىلارىن ورنالاستىرۋدى قاراستىرادى»، - دەلىنگەن «قازترانسگاز» جۇما كۇنى تاراتقان حاباردا. 

قۇجاتقا سايكەس، BG Kazakhstan العاشقى كەزەڭدە اۆتوگازتولتىرعىش كومپرەسسورلىق ستانتسيالار جەلىلەرىنىڭ ەكى كومپلەكت قوندىرعىلارىن اكەلەدى، ال «قازترانسگاز» اق قوندىرعىلاردى ىسكە قوسىپ ولاردى گازبەن قامتاماسىز ەتەدى.

جوبا الماتى اكىمىنىڭ تىكەلەي قولداۋىمەن ىسكە اسىرىلىپ وتىر. قالادا 2009 جىلى 24-ءشى ساۋىردە قالا ءماسليحاتىنىڭ شەشىمىمەن بەكىتىلگەن، الماتىنىڭ قورشاعان ورتاسىن لاستاۋدى تومەندەتۋدىڭ 2009-2018 جىلدارعا ارنالعان كەشەندى باعدارلاماسى قابىلدانعان.

اتالعان جوبا اۆتوكولىكتەردىڭ ءبىر بولىگىن، ءبىرىنشى كەزەكتە قالا قوعامدىق كولىكتەرى مەن كوممۋنالدىق كولىكتەردى ەكولوگيالىق تۇرعىدان تازا كومپريميرلەنگەن تابيعي گازعا كوشىرۋدى قاراستىرادى.

«كەلەشەكتە تابيعي گازبەن جۇمىس ىستەيتىن اۆتوموبيلدەردىڭ سانىنىڭ ارتۋىمەن الماتى مەن قازاقستاننىڭ باسقا دا ايماقتارىندا وسىنداي گاز قۇياتىن ستانتسيالاردىڭ جەلىسى قۇرىلادى»، - دەلىنگەن ءباسپاسوز پاراقشاسىندا.

الماتى. 28 تامىز. قازتاگ – «قازترانسگاز» اق مەن BG Kazakhstan الماتىنىڭ اۆتوكولىگىن تابيعي گازعا كوشىرۋ تۋرالى كەلىسىمگە قول قايدى.

«كەلىسىم-شارت الماتىنىڭ اۋا باسسەينىن جاقسارتۋ ماقساتىندا اۆتكولىك وتىنى رەتىندە تابيعي گازدى پايدالانۋعا مۇمكىندىك بەرەتىن اۆتوگازتولتىرعىش كومپرەسسورلىق ستانتسيالار جەلىلەرىنىڭ قوندىرعىلارىن ورنالاستىرۋدى قاراستىرادى»، - دەلىنگەن «قازترانسگاز» جۇما كۇنى تاراتقان حاباردا. 

قۇجاتقا سايكەس، BG Kazakhstan العاشقى كەزەڭدە اۆتوگازتولتىرعىش كومپرەسسورلىق ستانتسيالار جەلىلەرىنىڭ ەكى كومپلەكت قوندىرعىلارىن اكەلەدى، ال «قازترانسگاز» اق قوندىرعىلاردى ىسكە قوسىپ ولاردى گازبەن قامتاماسىز ەتەدى.

جوبا الماتى اكىمىنىڭ تىكەلەي قولداۋىمەن ىسكە اسىرىلىپ وتىر. قالادا 2009 جىلى 24-ءشى ساۋىردە قالا ءماسليحاتىنىڭ شەشىمىمەن بەكىتىلگەن، الماتىنىڭ قورشاعان ورتاسىن لاستاۋدى تومەندەتۋدىڭ 2009-2018 جىلدارعا ارنالعان كەشەندى باعدارلاماسى قابىلدانعان.

اتالعان جوبا اۆتوكولىكتەردىڭ ءبىر بولىگىن، ءبىرىنشى كەزەكتە قالا قوعامدىق كولىكتەرى مەن كوممۋنالدىق كولىكتەردى ەكولوگيالىق تۇرعىدان تازا كومپريميرلەنگەن تابيعي گازعا كوشىرۋدى قاراستىرادى.

«كەلەشەكتە تابيعي گازبەن جۇمىس ىستەيتىن اۆتوموبيلدەردىڭ سانىنىڭ ارتۋىمەن الماتى مەن قازاقستاننىڭ باسقا دا ايماقتارىندا وسىنداي گاز قۇياتىن ستانتسيالاردىڭ جەلىسى قۇرىلادى»، - دەلىنگەن ءباسپاسوز پاراقشاسىندا.

«قازترانسگاز» اق – «قازمۇنايگازدىڭ» ەنشىلەس كومپانياسى، گازدى ءوندىرىپ، وڭدەۋمەن، ايماقتارعا تاسىمالداۋمەن، ساتۋمەن جانە كادەگە جاراتۋمەن، ماگيسترالدى تاسىمالمەن جانە ساقتاۋمەن، ەلەكتر جانە جىلۋ ەنەرگياسىن وندىرۋمەن، تاراتۋمەن جانە ساتۋمەن اينالىسادى.

«قازترانسگاز» اق رەسپۋبليكاداعى جالپى ۇزىندىعى 11 مىڭ شاقىرىم، وتكىزۋ قابىلەتى 190 ملرد  تەكشە مەتر گاز بولاتىن گاز قۇبىرلارىنىڭ نەگىزگى جەلىسىن باقىلايدى.

BG Kazakhstan, BG Group-تىڭ قازاقستاندىق بولىمشەسى. كومپانيانىڭ قاراشىعاناق كەنىشىندەگى ۇلەسى 32,5%، ال بۇل كەنىشتى BG Group پەن ENI كومپانيالارى بىرلەسىپ يگەرۋدە.

سونداي-اق كومپانيا، قازاقستاندىق مۇنايدى الەمگە شىعاراتىن كاسپي قۇبىر كونسورتسيۋمىنىڭ (كقك) اكتسيونەرلەر (2%) قاتارىنا كىرەدى.

BG Group الەمنىڭ 27 ەلىندە جۇمىس جاسايتىن بەلدى حالىقارالىق ەنەرگەتكالىق كومپانيا. كومپانيا كومىرسۋتەكتەرىن بارلاۋ مەن سۇيىتىلعان تابيعي گاز ءوندىرۋ، تاسىمالداۋ، ەلەكتر قۋاتىن ءوندىرۋ سالاسىنداعى كوپتەگەن جوبالاردىڭ ىسكە اسىرىلۋىنا قاتىسادى.