ماجىلىستەگى ۇكىمەت ساعاتىندا اگرارلىق ماسەلەلەر كوميتەتىنىڭ توراعاسى سەرىك ەگىزباەۆ اۋىل شارۋاشىلىعى مينيسترلىگىنىڭ شارۋالاردىڭ مۇددەسىن قورعاۋداعى جۇمىسىن سىنعا الدى.

«اكىمدىكتەر الەۋمەتتىك كاسىپكەرلىك كورپوراتسيالاردىڭ ءتيىمدى جۇمىسىن جانە ءبىرىنشى كەزەكتە، اۋىلدا سەرۆيستىك دايىنداۋ جەلىلەرىن ۇيىمداستىرۋدى دۇرىس جولعا قويا الماي وتىر. ال اۋىل شارۋاشىلىعى مينيسترلىگى شارۋالاردىڭ مۇددەسىن قورعايتىن جانە مەملەكەتتىك ورگانداردىڭ جۇمىسىن ۇيلەستىرەتىن ىقپالدى ورگان بولا الماي وتىر»، - دەدى ول جەمىس-جيدەك پەن كوكونىستىڭ يمپورتىن الماستىرۋ جونىندەگى ۇكىمەت ساعاتىندا.

ونىڭ ايتۋىنشا، ستاتيستيكا انىق ءالى ءدال بولماۋى ۇكىمەت قابىلداعان بارلىق شارالاردىڭ تيىمدىلىگىن جوققا شىعارادى.

«بۇل بۇكىل اۋىل شارۋاشىلىعى سالاسىنىڭ جۇيەلى پروبلەماسىنا اينالدى. ستاتيستيكالىق دەرەكتەر سالاداعى ناقتى احۋالدى، ءىستىڭ ءمان-جايىن كورسەتپەيدى. اۋىل شارۋاشىلىعى ونىمدەرىن وندىرۋدەگى ستاتيستيكادا اسىرا سىلتەۋشىلىك بار. بۇعان اكىمدىكتەر قىزمەتىن باعالاۋ ناتيجەسىندە ولاردىڭ اراسىندا كوپ جىلدان بەرى قالىپتاسقان جاسىرىن باسەكەلەستىك ىقپال ەتىپ وتىر. جەرگىلىكتى اتقارۋشى ورگانداردىڭ قىزمەتىنە وسىلاي باعا بەرۋدەن باس تاترتىپ، جۇمىس تيىمدىلىگىن باعالاۋدىڭ باسقا ادىستەرىنە كوشكەن دۇرىس بولار. ۇكىمەتكە ستاتيستيكالىق دەرەكتەردىڭ انىقتىعىن قامتاماسىز ەتۋ ءۇشىن مالىمەتتتەردى جيناۋ جانە ەسەپكە الۋ جولدارىن قايتا قاراۋ قاجەت دەپ ەسەپتەيمىز»، - دەدى سەرىك ەگىزباەۆ.

Abai.kz