«قازاقستان بارىسىن» وتكىزۋگە بولىنگەن 1 ملرد تەڭگەنىڭ جۇمسالۋ زاڭدىلىعى تەكسەرىلىپ جاتىر. بۇل تۋرالى قارجى مونيتورينگى اگەنتتىنىڭ الماتى قالاسى بويىنشا دەپارتامەنتى ايتتى.

باسقارمانىڭ مالىمدەۋىنشە، قازىرگى تاڭدا باسشىلاردان، مەردىگەر وكىلدەرىنەن جاۋاپ الۋ، ءتىنتۋ جانە قۇجاتتاردى الۋدى قامتيتىن تەرگەۋ ارەكەتتەرى جۇرگىزىلۋدە.

«قما الماتى قالاسى بويىنشا دەپارتامەنتى سوتقا دەيىنگى تەرگەۋ اياسىندا «قازاقستان بارىسى» قازاق كۇرەسىنەن تۋرنير وتكىزۋگە بولىنگەن 1,075 ملرد تەڭگە بيۋدجەت قاراجاتىنىڭ جۇمسالۋ زاڭدىلىعىن تەكسەرىپ جاتىر. تەرگەۋ مۇددەسىن كوزدەيتىن باسقا اقپارات جاريا ەتۋگە جاتپايدى»،—دەلىنگەن حابارلامادا.

ايتا كەتەيىك، «قازاقستان بارىسى» 2011 جىلدان بەرى وتكىزىلىپ كەلەدى. ءتۋرنيردى Qazaqstan Barysy قورى مەن Qazaq kuresi اسسوتسياتسياسى ۇيىمداستىرادى.  

فوتو: باۋبەك كونىروۆ

Abai.kz