قازاقستاندىق ونەر يەلەرىنىڭ بيۋدجەت ەسەبىنەن وتەتىن مادەني شارالاردا قانشا قالاماقى الاتىنى بەلىگىلى بولدى. بۇل تۋرالى مادەنيەت جانە سپورت مينيسترلىگىنىڭ بۇيرىق جوباسىندا جازىلعان.  

قۇجاتتا ديماش قۇدايبەرگەن، جانار دۇعالوۆا، مايرا مۇحاممەدقىزى، اسىلبەك ەڭسەپوۆ، تامارا اسار، Zyna502 سياقتى ورىنداۋشىلاردىڭ مەملەكەتتىك مادەني ءىس-شارالاردا ونەر كورسەتكەنى ءۇشىن الاتىن قالاماقىسى مىسال رەتىندە بەرىلگەن.

«تاجىريبە كورسەتكەندەي، قازاقستاننىڭ ەڭبەك سىڭىرگەن ءارتىسى، قازاقستاننىڭ ەڭبەك سىڭىرگەن قايراتكەرى، ادەبيەت جانە ونەر سالاسىنداعى مەملەكەتتىك سىيلىقتىڭ لاۋرەاتى، «مادەنيەت قايراتكەرى» توسبەلگىسىنىڭ يەگەرى، «مادەنيەت قايراتكەرى» توسبەلگىسى يەگەرى ساناتىنداعى بىرنەشە ونەر قايراتكەرى (مىسالى: ديماش قۇدايبەرگەن 10 000 000 تەڭگەدەن جانە ودان جوعارى، مايرا مۇحاممەدقىزى - 3 000 000, الىشەر كارىموۆ - 1 500 000, اسىلبەك ەڭسەپوۆ 1 300 000, Zyna502, Medet02, Medet05 - 1 500 000, نۇرلان ابدۋللين 1 000 000, جانار دۇعالوۆا 1 500 000, ايگۇل ولكەباەۆا 700 000, تامارا اسار 1 200 000 تەڭگەدەن جانە تاعى باسقالار).

شىندىعىندا كورسەتىلەتىن قىزمەتتەردىڭ قۇنى 20% دەيىن جەتۋى مۇمكىن جانە ودان دا جوعارى، بۇل پايىزدان اسىپ تۇسەدى.

وتكىزىپ جاتقان ءىس-شارالاردى ساراپتاي كەلە، شارا بيۋدجەتىنىڭ 20%-عا دەيىنى وسى ساناتتاعى ارتىستەردىڭ قاتىسۋىن قامتاماسىز ەتۋ قىزمەتتەرىنە جۇمسالاتىنى شىعادى.

وسىلايشا، جوعارىدا اتالعانداردى ەسكەرە وتىرىپ، وسى تارماقتى ستاندارت بويىنشا جالپى سومانىڭ 7%-عا دەيىن ورىنداۋ مۇمكىن ەمەس، سوندىقتان وسى ستاندارتتى جوبانىڭ جالپى سوماسىنان 20%-عا دەيىن ارتتىرۋدى سۇرايمىز»، - دەلىنگەن بۇيرىق جوباسىنا قوسىمشا بەرىلگەن كەستەدەگى تۇسىندىرمەلەردىڭ بىرىندە.

Abai.kz