«ءار زاماننىڭ ايتار ءسوزى، كوزدەگەن ماقساتى بولادى. قالام ۇستاعان قاۋىم جەكە باسىنىڭ نەمەسە ءبىر توپتىڭ ەمەس، ەلدىڭ ماسەلەسىن كوتەرەدى. بۇل – وتكەن عاسىردا «قازاق» گازەتىنىڭ اياسىندا ۇيىسقان الاش زيالىلارىنان باستاۋ العان ۇلى ميسسيا»، دەدى، - پرەزيدەنت باق سالاسىنداعى سىيلىقتار مەن گرانتتاردى تاپسىرۋ كەزىندە ايتتى.

قاسىم-جومارت توقاەۆتىڭ پايىمىنشا، اتالعان مىندەتتى ابىرويمەن اتقارۋ ءۇشىن ءار ءجۋرناليستىڭ بويىندا ىزدەنىمپازدىق، جاۋاپكەرشىلىك جانە تاباندىلىق بولۋى قاجەت.

«سەبەبى اقيقات جولى – وڭاي جول ەمەس.

ال ءجۋرناليستىڭ اقيقاتتان اينۋعا قۇقىعى جوق. شىندىق پەن شىنايىلىق باستى قاعيدا بولۋى كەرەك. ياعني، اقپارات ارناسى ادالدىق الاڭىنا اينالۋعا ءتيىس»، - دەدى مەملەكەت باسشىسى.

ول بۇگىندە ەلىمىز دامۋدىڭ جاڭا كەزەڭىنە كوشكەنىن دە اتاپ ءوتتى. سوڭعى ءبىر جىلدا قولعا الىنعان رەفورمالار ساياسي جۇيەنى جەتىلدىرىپ، تىڭ وزگەرىستەرگە جول اشتى.

«مەملەكەت، مەديا جانە قوعام اراسىنداعى كەلىسىم ادىلەتتى قازاقستاننىڭ بەرىك ىرگەتاسىنا اينالۋعا ءتيىس. بۇل كەلىسىم اشىقتىق، سەنىم جانە ادالدىق قاعيدالارىنا نەگىزدەلۋى قاجەت. ءار ازامات، ءار مامان ءوز ىسىنە ادال بولسا، قوعامنىڭ سەنىمى ارتادى. ال سەنىم مەن ادالدىق – ادىلەتتى قوعامنىڭ باستى قۇندىلىقتارى»، - دەدى پرەزيدەنت.

Abai.kz