اسەلحان قالىبەكوۆا. جەر استىنىڭ شەتكە بەرىپ بايلىعىن، جۇمىسشىنىڭ قىسقارتامىز ايلىعىن
ەل تاعدىرى − مەنىڭ تاعدىرىم!
تەڭدىگىڭە نە بار دەيسىڭ تەڭ كەلەر،
زاڭسىزدىقتار ارسىزدىققا دەم بەرەر.
ەل تاعدىرىن ءوز تاعدىرىم دەمەيدى،
قولدان كەلمەس ىسكە ۇمتىلعان پەندەلەر.
نە كورمەدى ءبارىن كورگەن بۇل دالا،
تۇساۋ سالما توسكە ورلەگەن تۇلعاڭا.
قۇداي بەرگەن كەلبەتىڭ بولماسا،
ساتىپ العان مانسابىڭدى بۇلداما.
كەتە بەرسەك ءدال وسىلاي ءبىز ەگەر،
رۋحىڭا ىرىم قالماي كۇزەلەر.
ءزارىن شاشقان زيانكەسكە جول بەرمە،
ەل تاعدىرى تارتىپپەنەن تۇزەلەر.
ەي، باۋىرلار، ەنجارلىقتى تاستاڭدار،
جاناشىرلىق جاڭا تىرلىك باستاڭدار.
تاعدىرىڭدى تاسپەن اتىپ قۇرىدى،
قازىناڭدى ۇشاققا ارتىپ قاشقاندار.
جەر استىنىڭ شەتكە بەرىپ بايلىعىن،
جۇمىسشىنىڭ قىسقارتامىز ايلىعىن.
قوپارىلعان كەندەرىمنىڭ ورىنى،
وپىرايىپ، اڭىرايدى ايدىنىم.
سەندەرگە ايتپاي، كىمگە ايتامىن سىرىمدى،
ارابتارىڭ اڭىزدايدى قىرىمدى.
ءبىر شىنجىردى جەتپىس جىلدا ۇزگەن ەل،
مىڭ شىنجىرعا ەندى قالاي ۇرىندى.
دەگەن ءسوز بار «كوپ تالقىسى − اققان سەل»،
وسىندايدا بۇزىلماي ما قاتقان سەڭ.
ادالدىعىڭ − وتانىڭدى سۇيۋدە،
ارامدىعىڭ − ونى ساتىپ جاتقا ەرسەڭ.
وزىمشىلدىك كوزدەرىڭدە قانتالاپ،
باۋىر بولماي، جاۋىر بولدى شارتاراپ.
ەل تاعدىرى − مەنىڭ تاعدىرىم!
تەڭدىگىڭە نە بار دەيسىڭ تەڭ كەلەر،
زاڭسىزدىقتار ارسىزدىققا دەم بەرەر.
ەل تاعدىرىن ءوز تاعدىرىم دەمەيدى،
قولدان كەلمەس ىسكە ۇمتىلعان پەندەلەر.
نە كورمەدى ءبارىن كورگەن بۇل دالا،
تۇساۋ سالما توسكە ورلەگەن تۇلعاڭا.
قۇداي بەرگەن كەلبەتىڭ بولماسا،
ساتىپ العان مانسابىڭدى بۇلداما.
كەتە بەرسەك ءدال وسىلاي ءبىز ەگەر،
رۋحىڭا ىرىم قالماي كۇزەلەر.
ءزارىن شاشقان زيانكەسكە جول بەرمە،
ەل تاعدىرى تارتىپپەنەن تۇزەلەر.
ەي، باۋىرلار، ەنجارلىقتى تاستاڭدار،
جاناشىرلىق جاڭا تىرلىك باستاڭدار.
تاعدىرىڭدى تاسپەن اتىپ قۇرىدى،
قازىناڭدى ۇشاققا ارتىپ قاشقاندار.
جەر استىنىڭ شەتكە بەرىپ بايلىعىن،
جۇمىسشىنىڭ قىسقارتامىز ايلىعىن.
قوپارىلعان كەندەرىمنىڭ ورىنى،
وپىرايىپ، اڭىرايدى ايدىنىم.
سەندەرگە ايتپاي، كىمگە ايتامىن سىرىمدى،
ارابتارىڭ اڭىزدايدى قىرىمدى.
ءبىر شىنجىردى جەتپىس جىلدا ۇزگەن ەل،
مىڭ شىنجىرعا ەندى قالاي ۇرىندى.
دەگەن ءسوز بار «كوپ تالقىسى − اققان سەل»،
وسىندايدا بۇزىلماي ما قاتقان سەڭ.
ادالدىعىڭ − وتانىڭدى سۇيۋدە،
ارامدىعىڭ − ونى ساتىپ جاتقا ەرسەڭ.
وزىمشىلدىك كوزدەرىڭدە قانتالاپ،
باۋىر بولماي، جاۋىر بولدى شارتاراپ.
مەيىرىمى ويانسا ەكەن دەپ مەن ءجۇرمىن.،
مويىنىما بەسىگىمدى ارقالاپ.
نايزاعايداي تەز وتەدى جاس كۇنىڭ،
قيسىعىڭدى تەزگە سالار ءداستۇرىڭ.
وزگەرەدى، جادىرايدى بۇل قوعام،
شەگىنسەڭدەر تالاسىنان ءناپسىنىڭ.
ءبىرىڭ بالام، ءبىرىڭ باۋىر، ءىنىمسىڭ،
كوك بايراعىڭ كوك تۋىنا ءىلىنسىن.
تەكتىلەرگە زيارات قىپ قول جايساڭ،
تۇركىستاننىڭ تۇمەن بابى ءتىرىلسىن.
ەلىن سۇيگەن ەلباسىمىز تۋ العان،
شيراعىمىز ءشامشى سالعان ۇراننان.
بار اسىلىڭ ماحاباتتان جارقىراپ،
قاراشىعىڭ نۇرلانادى قۇراننان.
اقىن انا ايتتى دەرسىڭ، اڭدارسىڭ،
اق نيەتكە يىلەدى زاڭعار شىڭ.
يبامىزعا، ىنتامىزعا قىزىعىپ،
وركەنيەت وركەشتەرى تاڭقالسىن.
قانىڭ قازاق، ءسۇتىڭ قازاق، قازاقسىڭ،
باياعىداي قۇل ەمەسىڭ، ازاتسىڭ.
ازعىنى جوق، ساليقالى كەمەلدى،
مىنە، قازاق، مەنمىن، دەيتىن تاڭ اتسىن!
بابالار جولى - ءادىل جول
I
بيسميللاھي-راحيم،
ارمىسىڭ باۋىر جۇراتىم.
اللا سالسا اۋزىما،
ءسوز سويلەيىن ءبىر اتىم.
تۇركىستاننىڭ تورىندە،
تۇرىك اعايىن جيىلىپ.
القالى كەڭەس قۇراتىن،
سوپىلىق ءىلىم سورلاندى.
تياناق تاپپاي شىعاتىن،
ارىستانباب بابام سول جولدا،
ازاپ كورگەن سۇراپىل.
پايعامبار بەرگەن امانات،
عاسىردان عاسىر جاعالاپ،
قوجا-احمەتكە جەتى جاسىندا،
قۇرماسى جەتتى سالامات.
سۇيەگىن جۇتىپ جىبەرىپ،
ەتىپتى بالا قاناعات.
ارىستانباب ۇستازىن،
ارۋلاپ جەرگە قويىپتى،
عايىپتان تۇسكەن جاماعات.
اڭىزدىڭ ءتۇبى اقيحات،
ايتامىز بىزدەر جوبالاپ.
II
قالىڭ قازاق ءپىر تۇتقان،
ازىرەت سۇلتان بابامىز.
سىرىنا جۇرتى ىنتىققان،
دۇعاسى قابىل دانامىز.
ۋىزىنا جارىتقان،
تۇركىستان تۋعان انامىز.
كۇللى تۇرىك جيىلسا،
حيكمەت نۇرى قۇيىلسا،
كوكىرەگىمىز تارسىلداپ،
سيعىزا الماي بارامىز.
ۇرپاققا تالداپ ۇيرەتىپ،
اقىل ەسىن بيلەتىپ،
جيعىزا الماي بارامىز.
اينالايىن اۋليەم،
سيرات كوپىر سەن ەدىڭ.
سىڭسىپ جۇرگەن مەن ەدىم.
قۋانباسقا قۋانىپ،
ۇيالماسقا ۇيالىپ،
مىس بولدى التىن دەگەنىم.
وزىڭە كەلدىم وكىنىپ،
ءومىردىڭ تاپپاي دايەگىن.
حاق مۇستافا ىزىمەن،
ءباندانىڭ ءبىلدىڭ كەرەگىن.
باۋىرىڭدى تاسقا ۇرىپ،
ءبىر اللاعا تاپسىرىپ،
ءداۋرىش بولىپ جونەدىڭ.
دەگەنىن قىلماي دەنەنىڭ،
مىڭ بالەنى بوگەدىڭ.
باسىن شاپقان ءوزىڭسىڭ،
ءناپسى دەگەن نەمەنىڭ.
الپىس ۇشكە كەلگەندە،
شىن عاشىعىڭدى كورگەندە،
حاققا جانىم قۇربان دەپ،
تىرىلەي ولگەن ەر ەدىڭ.
ارتىق كەبىن كيىنىپ،
ءازيز باسىڭ ءيىلىپ،
كوزدەن جاسىڭ قۇيىلىپ،
جازىلدى جاۋھار ولەڭىڭ.
جاپىراق عۇمىر جىرلايدى،
توپىراق بولۋ سەبەبىن.
راسىمەن ۇققان ۇممەت ەڭ،
راسۋللانىڭ دەگەنىن.
توقسان داريا قوسىلسا،
توبىعىنان كەلمەيتىن،
نازارى اۋعان ەگەنىڭ.
ادامزاتتىڭ اسىلى،
زەينەتىن بىزگە باعىشتاپ،
بەينەتىن جەڭگەن ەرەنىم.
جىبەك جولدان جارق ەتىپ،
قۇس جولىن باسقان شەرى ەدىڭ.
مىنا ءبىزدىڭ تۇراندا،
ىزگىلىكتىڭ ءدانى بار.
ىزگى ۇلتتىڭ قانى بار.
اجالدى ءجۇز جىل بالقىتقان،
داريادا قالقىتقان،
قورقىتتىڭ كۇيى ءالى بار.
الەمنىڭ اڭسار بيىگى،
اسپان تىرەگەن يىعى،
ءال-فارابي بابامنىڭ،
ساعىنىپ ءيىسىن دالامنىڭ،
شەر تارقاتقان ءانى بار.
مىڭ جىل جاتسا اينىماس،
اسىلدار بىزدەن تابىلار.
وعىز-قىپشاق تاريحىن،
بىلگىڭ كەلسە ءارى بار.
ءجۇسىپ بالاساعۇننىڭ،
«قۇتتى بىلىك» زاڭى بار.
ءىىI
جەلماياسىن بوزداتقان،
اسان قايعىنىڭ زارى بار.
شاكارىم مەن ابايدىڭ،
ماۋەلى بۇتاق باعى بار.
وزبەكالى، ءشامشىنىڭ،
وزەكتە قالعان ءنارى بار.
ۇلى رۋحتار كوشكەن جوق.
حال ءىلىمى وشكەن جوق.
تامىرىم قالاي تارىلار.
داستۇرگە، دىنگە سىن تاۋىپ،
دۇمپىگەن ءتۇرلى سىزداۋىق،
بۇلكىلدەپ ءبىر كۇن جارىلار.
اقىلعا كەلىپ ادامزات،
اسىلىق دەرتتەن ارىلار.
راحىم ەتپەس كەدەيگە،
ريادان دا جالىعار.
قوجا-احمەت جازعان حيكمەت،
انا سۇتىندەي ءدامى بال.
پارىزى ءبۇتىن مومىنعا،
ماڭگىلىك شىراق جاعىلار.
باسىمىزدان كەتپەگەن،
بوداندىقتىڭ ءزارى بار.
وكىنىشكە تۇنشىقپاي،
شىر اينالعان ۇرشىقتاي،
شيرىعۋدىڭ ءمانى بار.
ەڭبەك قىلساڭ تاۋبە دەپ،
ءتاڭىردىڭ اتار تاڭى بار.
اق ادال قۇلىن ءسۇيدى اللا،
ودان ارتىق سىي بار ما.
بەس كۇن جالعان وپاسىز،
ازعىرعانعا يلانبا.
تۇرىك تەكتەس تۇگەل بول.
تۇلەي بەرسىن يگى ارنا.
العىردىڭ مۇلكى قۇراندا،
تاعداردىڭ كىلتى يماندا.
قابىل ال قارا شاڭىراق،
اعىتتىم جىردى اڭىراپ.
بابالار جولى-ءادىل جول،
وزىڭە حالقىم ءازىر بول.
لا يللاھا يللاللا.
اسەلحان قالىبەكوۆا، قازاقستاننىڭ حالىق اقىنى
Abai.kz
