شىمكەنت قالاسىنا ىسساپارمەن بارعانبىز. 1 ماۋسىم – بالالاردى قورعاۋ كۇنى بولاتىن. شاھارداعى №3 جەتىم بالالار ۇيىنە بارۋدى ۇيعاردىق. تىم بولماسا ءبىر ءسات بولسىن كوڭىل سىيلاۋ عوي نيەتىمىز. جاڭادان اشىلعان وبلىستىق ورتالىق مەشىتىنىڭ نايب يمامى ءارى ءباسپاسوز حاتشىسى مۇحامەدجان ەستەمىروۆ جول باستاپ كەلەدى. جولاي جان اۋىرتار وقيعانى اڭگىمەلەپ بەردى. 

شىمكەنت قالاسىنا ىسساپارمەن بارعانبىز. 1 ماۋسىم – بالالاردى قورعاۋ كۇنى بولاتىن. شاھارداعى №3 جەتىم بالالار ۇيىنە بارۋدى ۇيعاردىق. تىم بولماسا ءبىر ءسات بولسىن كوڭىل سىيلاۋ عوي نيەتىمىز. جاڭادان اشىلعان وبلىستىق ورتالىق مەشىتىنىڭ نايب يمامى ءارى ءباسپاسوز حاتشىسى مۇحامەدجان ەستەمىروۆ جول باستاپ كەلەدى. جولاي جان اۋىرتار وقيعانى اڭگىمەلەپ بەردى. 

– مەن مۇندا ءجيى كەلىپ تۇرامىن, – دەپ باستادى ءسوزىن ارىپتەسىم. «مەرەكە كۇندەرى، اسىرەسە ورازا، قۇربان ايت كەزدەرى قايىرىمدىلىق شارالارىن ءجيى ۇيىمداستىرامىز. قۇرباندىق ەتىن تاراتامىز. ونەردەگى انشىلەردىڭ باسىن قوسىپ، وسى جەتىمدەر ۇيىندە كونتسەرت وتكىزىپ تۇرامىز. ءجيى كەلگەننەن بە ەكەن، بۇلدىرشىندەر مەنى تانىپ الدى. ءبىر كۇنى باياعى ادەتىمە سالىپ، بالالاردىڭ كوڭىل-كۇيىن ءبىر كوتەرىپ كەتەيىن دەگەن نيەتپەن تاعى كەلدىم. كوزى جاۋتەڭدەگەن جەتىم جەتكىنشەكتەر قاتتى ايقايلاپ: «الاقاي، پاپامىز كەلە جاتىر»، – دەپ جاپاتارماعاي ەسىك جاققا جۇگىرىپ كەلدى دە اياعىما جارماسىپ، قىسىپ ۇزاق قۇشاقتادى. «اعا، نەگە كەلمەي كەتتىڭىز؟» – دەپ رەنىش ءبىلدىردى كەيبىر كىشكەنتايلار. «بۇل جەردەن كەتپەي-اق قويىڭىزشى»، – دەگەن وتىنىشتەرىنە نە ايتارىمدى بىلمەي، ابدىراپ قالدىم. قازاقتىڭ ورىمدەي ءبىر قىزى: «اعا، ماعان پاپا بولىڭىزشى، مەنى بۇل جەردەن الىپ كەتىڭىزشى»، – دەپ وتىنگەندە، كوزىمنەن جاس پارلادى. جۇرەگىم ەزىلىپ، جانىم قينالدى. اكەم قايتىس بولعاندا ەزىلىپ جىلاعان ەمەسپىن. بىراق الگى جەردە ءىشىم كۇيىپ، جانىمدى قويارعا جەر تاپپاي كەتتىم. مۇنداي ءسوزدى ەستيمىن دەپ ەش ويلاماپپىن»، – دەيدى مۇحامەدجان يمام.

وسى اڭگىمەدەن كەيىن ءبىزدىڭ دە كوڭىلىمىز بوساپ قويا بەردى. ءسويتىپ، بالالار ۇيىنە دە جەتتىك. تاربيەشىلەر ولاردى ادەمى كيىندىرىپ، شاشتارىنا بانتيك تاعىپ قويىپتى. جادىرىپ، جايناپ، كوڭىلدەرى شاتتىق پەن قۋانىشقا بولەنىپ وتىر. ارينە، مەرەكە عوي. ءان ايتتى، بي بيلەدى، كورىنىستەرىن قويدى. قوناقتارعا بار ونەرلەرىن پاش ەتتى. ەپتى ءارى ەستى. ءسۇپ-سۇيكىمدى، قيمىل-قوزعالىستارى دا جاراسىمدى. سىي-سياپاتتارىن كوتەرە كەلگەن قوناقتار كوز جاستارىنا ەرىك بەردى.

ءبىر كەزدە وڭتۇستىك قازاقستان وبلىسىنىڭ باس يمامى بەيبىت مىرزاگەلديەۆ پەن قالانىڭ باس يمامى ەربوسىن ورىن ءسوز الدى. جەتىمگە قامقور بولعاندار جانناتقا ءبىرىنشى كىرگەن پەندەلەردىڭ قاتارىندا بولاتىنىن ايتتى. جەتىمنىڭ باسىن سيپاعاندار ءجانناتتا پايعامبارعا (س.ع.س.) كورشى بولۋ مارتەبەسىنە يە بولاتىنىن سۇيىنشىلەدى. ويتكەنى، حاديستە سولاي دەلىنگەن. پايعامبارىمىز (س.ع.س): «جەتىمدى ءوز كەپىلدىگىنە الىپ، قارايلاسقان ادام جانە مەن ەكەۋمىز ءجانناتتا مىنادايمىز»، – دەپ ەكى ساۋساعىن بىرىكتىرىپ كورسەتكەن.

يگىلىكتى شارادان قايتىپ كەلەمىز. جولاي العان اسەر، قورىتقان ويلاردى ءبىر-بىرىمىزبەن ءبولىسىپ كەلەمىز. «ءاپ-ادەمى، جۇرەگى پاك قازاقتىڭ قارا دومالاق بالالارى عوي. ءتىپتى، ولاردى ءوزىمنىڭ بالا-شاعاما قوسىپ، قامقورلىق جاساپ، تاربيەلەپ العىڭ كەلەدى...» دەيدى بەيبىت يمام. «جەتىمدەرگە كوڭىل ءبولۋ تەك 1 ماۋسىممەن شەكتەلمەسە ەكەن»، – دەگەن ويلار دا ايتىلدى. «يت جەتەكتەپ، ونى باعىپ-قاققاننان گورى جەتىم بالانى اسىراپ العان تەڭدەسسىز ساۋاپ ەمەس پە؟ «قالايشا باۋىر ەتىن بالالار ۇيىنە تاستاپ كەتەدى ەكەن وسىلار. وبالىنا قالامىن-اۋ دەپ قالاي قورىقپايدى ەكەن؟» – دەگەن سوزدەر دە قابىرعامىزدى قايىستىردى.

شارا باراسىندا بالالاردىڭ كوڭىل-كۇيى كوتەرىلىپ، ءبىر سەرپىلىپ قالعانمەن، جانارىندا جابىرقاۋ، الاڭداۋ بايقالادى. ونى سوزبەن جەتكىزبەسە دە، كوزبەن ءبىلدىرىپ تۇر. جەتىمدەردىڭ جۇرەگى:

«كىمگە ۇقساتام بىلمەيمىن قاندايىمدى،
ماما كەپ ءبىر يىسكەشى ماڭدايىمدى.
اق ۋىزعا تولماعان تاڭدايىمدى
تولتىرايىن ايتۋمەن جاعدايىمدى...» دەپ جىرلاپ، جىلاپ تۇرعانداي...

اعابەك قوناربايۇلى،

قمدب-نىڭ ءباسپاسوز حاتشىسى 

(سۋرەتتەردى تۇسىرگەن – اۆتور)

Abai.kz