وسىدان بىرەر اپتا بۇرىن قالامىزدىڭ جاڭالىقتار پورتالى - Arknews.kz سايتىنا ارقالىقتىڭ بۇرىنعى اكىمى بەرىك ابدىعاليۇلىنا شىعارىلعان «اق بەرىك» ءانىن ەنگىزگەن بولاتىنبىز. كوپ ۇزاماي حالىقتىڭ بۇل تۋىندىسى الەۋمەتتىك جەلىلەردە قىزۋ تالقىعا ءتۇسىپ، بىرنەشە گازەتتەر مەن سايتتارعا جاريالاندى. ەلىمىزدىڭ تانىمال تۇلعالارى، جۋرناليستەرى وسىعان وراي بەرىك ابدىعاليۇلىنىڭ قىزمەتى مەن جاساعان ەڭبەگى حاقىندا ءوز پىكىرلەرىن بىلدىرگەن ەدى.

ەل ىشىندە «حيت» بولىپ كەتكەن وسى ءبىر ءان قالاي پايدا بولعانى جونىندە اقپارات ىزدەپ كوردىك. ناتيجەسىندە، ءاندى شىعارعان ارقالىق مەملەكەتتىك پەداگوگيكالىق ينستيتۋتىنىڭ ستۋدەنتتەرى بولىپ شىقتى. ال، ءسوزىن جازعان ايبەك قاليەۆ دەگەندى دە ەستىدىك. مۇنىڭ انىق-قانىعىن ءبىلۋ ءۇشىن ايبەك كيىكبايۇلىنا ارنايى جولىعىپ، وسى ءبىر جايتكە از-كەم «كوممەنتاري» بەرۋىن سۇراعان ەدىك.

- ايبەك كيىكبايۇلى، بۇگىنگى تاڭدا ينتەرنەت جەلىسىندە «اق بەرىك» ءانى قىزۋ تالقىلانىپ جاتىر. بۇل ءاننىڭ شىعۋىنا ءسىز دە اتسالىسقانىڭىزدى ەستىدىك...  

وسىدان بىرەر اپتا بۇرىن قالامىزدىڭ جاڭالىقتار پورتالى - Arknews.kz سايتىنا ارقالىقتىڭ بۇرىنعى اكىمى بەرىك ابدىعاليۇلىنا شىعارىلعان «اق بەرىك» ءانىن ەنگىزگەن بولاتىنبىز. كوپ ۇزاماي حالىقتىڭ بۇل تۋىندىسى الەۋمەتتىك جەلىلەردە قىزۋ تالقىعا ءتۇسىپ، بىرنەشە گازەتتەر مەن سايتتارعا جاريالاندى. ەلىمىزدىڭ تانىمال تۇلعالارى، جۋرناليستەرى وسىعان وراي بەرىك ابدىعاليۇلىنىڭ قىزمەتى مەن جاساعان ەڭبەگى حاقىندا ءوز پىكىرلەرىن بىلدىرگەن ەدى.

ەل ىشىندە «حيت» بولىپ كەتكەن وسى ءبىر ءان قالاي پايدا بولعانى جونىندە اقپارات ىزدەپ كوردىك. ناتيجەسىندە، ءاندى شىعارعان ارقالىق مەملەكەتتىك پەداگوگيكالىق ينستيتۋتىنىڭ ستۋدەنتتەرى بولىپ شىقتى. ال، ءسوزىن جازعان ايبەك قاليەۆ دەگەندى دە ەستىدىك. مۇنىڭ انىق-قانىعىن ءبىلۋ ءۇشىن ايبەك كيىكبايۇلىنا ارنايى جولىعىپ، وسى ءبىر جايتكە از-كەم «كوممەنتاري» بەرۋىن سۇراعان ەدىك.

- ايبەك كيىكبايۇلى، بۇگىنگى تاڭدا ينتەرنەت جەلىسىندە «اق بەرىك» ءانى قىزۋ تالقىلانىپ جاتىر. بۇل ءاننىڭ شىعۋىنا ءسىز دە اتسالىسقانىڭىزدى ەستىدىك...  

- بۇل ءان بەرىك اعامىز قىزمەت اۋىستىرادى ەكەن، ارقالىقتان كەتەدى ەكەن دەگەن تۇستا پايدا بولعان. جالپى، ەڭسەسى ەندى كوتەرىلىپ كەلە جاتقان ارقالىق جۇرتىنا بۇل ءسوز قاتتى اسەر ەتتى. جيىن-ماجىلىستەر بولسىن، توي بولسىن، ءتىپتى مونشاعا بارساڭ دا وسى تاقىرىپتى تالقىلاپ جاتقانىن كوردىك. سوندا ءبىر بايقاعانىم، بەرىك اعامىزدىڭ ەڭبەگىن ەڭكەيگەن قاريادان ەڭبەكتەگەن بالاعا دەيىن باعالاي ءبىلدى. ارقالىققا قانشاما اكىم كەلدى، قانشاما اكىم كەتتى، ولاردىڭ ءبارىن جامانداي بەرۋگە بولمايدى، دەگەنمەن دە بەرىك ابدىعاليۇلى حالىقتىڭ كوڭىلىنەن ەرەكشە ورىن الدى.

ال، «اق بەرىك» انىنە كەلەتىن بولساق، العاشىندا بۇل ءاننىڭ «حيت» بولىپ كەتەتىنىن استە ويلاماعان ەدىك. ءوزىڭ بىلەسىڭ، ارقالىقتا «جايدارمان» كۆن ويىندارى ءوتىپ تۇرادى. اكىم اۋىسادى دەگەن اڭگىمە قىزىپ تۇرعان شاقتا ستۋدەنتتەر وسىعان وراي ءازىل شىعارايىق دەپ ۇسىنىس ءبىلدىردى. ءسويتىپ، حالىق ءانى «اق جايناق» اۋەنىنە ءسوز جازىپ بەردىم. ونداعى ايتپاعىمىز – حالقىمىزدىڭ اڭگىمەگە اۋەستىگىن كورسەتىپ، ءازىل ەتىپ كورسەتۋ ەدى. بىراق، ءان جازىلاردا، بەرىك اعامىزعا دەگەن حالىقتىڭ ىقىلاسى مەن سۇيىسپەنشىلىگى، ونىڭ ەڭبەگىنە دەگەن ريزاشىلىعى، قيماستىق كوڭىلى كورىنىس تاپتى. سودان دا بولار، كۆن رەداكتورلارى ونى ساحناعا شىعارتپاي قويدى. ويتكەنى، شىنى كەرەك، ءاننىڭ ازىلىنەن ءزىلى باسىم بولىپ شىقتى.

بۇگىن اقپارات قاس قاعىم ساتتە تارايتىن زامان عوي. «اق بەرىك» ءانى ەل ىشىنە تەز تاراپ كەتتى، جاستار ءبىر-ءبىرىنىڭ تەلەفوندارىنا جۇكتەپ الىپ ءجۇردى. ءتىپتى قالامىزدىڭ شەڭبەرىنەن اسىپ، رەسپۋبليكا دەڭگەيىندە دە، الەۋمەتتىك جەلىلەردە، وتاندىق سايتتاردا تالقىعا ءتۇستى. نە كەرەك، ايبەك قاليەۆ اكىمگە جاعىمپازدانىپ، ءان شىعارىپتى دەيتىندەر دە تابىلىپ ءجۇر. بەرىك اعامىز – حالىققا جاقىن بولعان اكىم. ەگەر ونى حالىق ۇناتپاسا، بۇل ءان وسىلاي كەڭىنەن تارايتىن با ەدى؟ ەگەر حالقى ءۇشىن بەرىكتەي ەڭبەك ەتەتىن اكىم بولسا، وعان نەگە ءان شىعارماسقا؟ ارقالىقتى ءتىرىلتىپ، گۇلدەندىرەتىن، ونىڭ حالقىنا جانى اشيتىن اكىم بولسا، ءان تۇگىل پوەما جازساڭ دا ارتىقتىق ەتپەس. «جاقسىنىڭ جاقسىلىعىن ايت، نۇرى تاسىسىن» دەيدى عوي، «اق بەرىك» ءانىن تەلەفونىنا جۇكتەپ الۋ ءۇشىن ءتىپتى ۇيگە ىزدەپ كەلگەن قاريالارىمىز دا بولدى.

رەسپۋبليكالىق گازەتتەردە جازىپ جاتىر عوي، «اكىمگە تۇڭعىش ءان شىعىپتى» دەپ. سول سياقتى مەنىڭ شىعارماشىلىعىمدا دا وسىلايشا اكىمگە، شەنەۋنىككە دەگەن العاشقى ولەڭ پايدا بولدى.

- ايبەك كيىكبايۇلى، ۋاقىتىڭىزدى ءبولىپ، ءاننىڭ شىعۋ تاريحىن تارقاتىپ بەرگەنىڭىز ءۇشىن راقمەت!

قايرات ەسماعانبەتوۆ

Abai.kz