رەسەي پرەزيدەنتىنىڭ ءباسپاسوز حاتشىسى دميتري پەسكوۆ 29 ماۋسىمدا ۆلاديمير ءپۋتيننىڭ "ۆاگنەر" جەكە اسكەري كومپانياسىنىڭ كومانديرلەرىمەن جانە باسشىلىعىمەن، ونىڭ ىشىندە ەۆگەني پريگوجينمەن كەزدەسۋ وتكىزگەنىن راستادى، دەپ حابارلايدى Ulysmedia.kz.

پەسكوۆتىڭ ايتۋىنشا، كەزدەسۋدە 35 ادام بولعان.

"ول 35 ادامدى شاقىردى. بارلىق كومانديرلەر مەن كومپانيا باسشىلىعى، سونىڭ ىشىندە پريگوجين. كەزدەسۋ 29 ماۋسىمدا ءوتتى. ول شامامەن ءۇش ساعاتقا سوزىلدى. ەگجەي-تەگجەيلەرى بەلگىسىز. پرەزيدەنت كومپانيانىڭ مايدانداعى ءىس-ارەكەتىنە باعا بەردى، سونىمەن قاتار 24 ماۋسىمداعى وقيعاعا باعا بەردى. كومانديرلەر ءوز نۇسقالارىن ايتىپ، باس قولباسشىنىڭ سەنىمدى جاقتاستارى ەكەندىكتەرىن جانە ءارى قاراي جالعاستىرۋعا دايىن ەكەندىكتەرىن اتاپ ءوتتى", - دەدى پەسكوۆ.

ەسكە سالايىق، 24 ماۋسىمعا قاراعان ءتۇنى “ۆاگنەر” جاك باسشىسى ەۆگەني پريگوجين رەسەي قورعانىس مينيسترلىگىن سوققى بەردى دەپ ايىپتاپ، قارۋلى قاقتىعىس باستالعانىن مالىمدەگەن. ول ناۋقاننىڭ ماقساتىن «رەسەي قورعانىس مينيسترلىگىنىڭ باسشىلىعىن جاۋاپقا تارتۋ» دەپ اتادى. جاك باسشىسى «پرەزيدەنتتىك بيلىك، ۇكىمەت، ىشكى ىستەر مينيسترلىگى جانە باسقا دا قۇرىلىمدار قازاقستانداعى جۇمىستى جالعاستىرادى» دەپ سەندىردى.

پۋتين پريگوجيندى «ساتقىندىق جاسادى» دەپ ايىپتاپ، بۇلىكتى باسۋعا بۇيرىق بەرگەنىن مالىمدەدى.

ءپۋتيننىڭ مالىمدەمەسىنە بەرگەن جاۋابىندا “ۆاگنەر” رەسەيدە جاڭا جۋىردا جاڭا پرەزيدەنت بولاتىنىن ايتتى.

كوپ ۇزاماي رەسەيلىك فسب «ۆاگنەر» جاك باسشىسى ەۆگەني پريگوجينگە قاتىستى قىلمىستىق ىس قوزعادى.

قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى اسكەري-ساياسي جاعدايدىڭ شيەلەنىسۋىنە بايلانىستى قازاقستان ازاماتتارىنا ۇندەۋ جولدادى. قازاقستاندىقتاردان جاقىن ارادا ۋكراينامەن شەكارالاس رەسەي تەرريتوريالارىنا بارماۋدى سۇرادى.

الايدا پريگوجين رايىنان تەز قايتتى. ونى قارۋلى قاقتىعىستى توقتاتۋعا ۇگىتتەگەن – بەلارۋس پرەزيدەنتى الەكساندر لۋكاشەنكو. بۇل تۋرالى رف پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى. ول پريگوجينگە قارسى قىلمىستىق ءىس توقتاتىلاتىنىن، ونىڭ بەلارۋسكە كەتەتىنىن جەتكىزدى.

25 ماۋسىمعا قاراعان ءتۇنى  «ۆاگنەر» جاۋىنگەرلەرى  دونداعى روستوۆتاعى وڭتۇستىك اسكەري وكرۋگىنىڭ شتاب-پاتەرى ماڭىنداعى اۋماقتى تاستاپ كەتكەنى مالىم بولدى.

بۇلىكتەن كەيىنگى حالىققا جولداۋىندا رەسەي پرەزيدەنتى ۆلاديمير پۋتين "ۆاگنەر" جالدامالىلارىنا ەكى جول ۇسىندى.

سونداي-اق، "ۆاگنەردىڭ" بۇدان بىلاي ۋكرايناداعى سوعىسقا قاتىسپايتىنى حابارلاندى.

Abai.kz