ەلوردانى دامىتۋ ماسەلەلەرى جونىندەگى كەڭەستە مەملەكەت باسشىسى قاسىم-جومارت توقاەۆ باس شاھارداعى ينتەرنەت ساپاسىن سىنعا الدى.

«قازىرگى تسيفرلىق وركەنيەت پەن ءبىلىم ەكونوميكاسى جاعدايىندا ادامنىڭ، اسىرەسە قالا تۇرعىنىنىڭ نەگىزگى قاجەتتىلىكتەرىنىڭ ءبىرى ينتەرنەتكە قول جەتكىزۋ. ءبىز بارلىق جەردە استانانى «اقىلدى قالا» جانە وڭىرلىك IT-حاب رەتىندە مالىمدەيمىز. بۇل پايىم ءوز كەزەگىندە بازالىق تسيفرلىق ينفراقۇرىلىمنىڭ جوعارى ساپالى ەكەنىن مەڭزەيدى. الايدا، ەلورداداعى ينتەرنەت پەن ۇيالى بايلانىستىڭ قالىپتى جۇمىس ىستەۋ دەڭگەيى جەتىلدىرۋدى قاجەت ەتەدى. بۇل تۇرعىندار ءۇشىن قولايسىزدىق تۋعىزىپ قانا قويماي، قالا ەكونوميكاسىنا ەلەۋلى زيان كەلتىرەدى، ەلوردا قوناقتارىنىڭ ساناسىندا وتە جاعىمسىز اسەر قالدىرادى»، - دەپ توقتالدى مەملەكەت باسشىسى.

بۇعان قوسا، پرەزيدەنت كەڭەستە ەلوردادا ءۇشىنشى كوپسالالى اۋرۋحانا سالۋ ۇسىنىسىنا قولداۋ كورسەتتى.

Abai.kz