مەملەكەت باسشىسىنا تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنى جونىندەگى قايعىلى وقيعا تۋرالى مالىمەت بەرىلدى، دەپ حابارلادى اقوردانىڭ ءباسپاسوز قىزمەتى.

قۇقىق قورعاۋ ورگاندارى ءىستى تەرگەۋ امالدارىن جۇرگىزىپ جاتىر. كۇدىكتى انىقتالدى.

قولدا بار اقپارات بويىنشا، كۇدىكتى بۇعان دەيىن كىسى ولتىرگەنى ءۇشىن سوتتالىپ، 10 جىلعا باس بوستاندىعىنان ايىرىلعان. بيىل وعان ادام دەنساۋلىعىنا قاساقانا اۋىر زيان كەلتىرگەنى ءۇشىن 3 جىلعا باس بوستاندىعىن شەكتەۋ جونىندە ۇكىم شىعارىلعان.

پرەزيدەنت باس پروكۋراتۋرا مەن ىشكى ىستەر مينيسترلىگىنە بولعان قايعىلى وقيعانىڭ ءمان-جايىن مۇقيات تەكسەرۋدى تاپسىردى. مەملەكەت باسشىسى بيىل شىعارىلعان سوت ۇكىمىنىڭ زاڭدىلىعىن قاراستىرۋ جانە ادامعا قاتىستى اسا قاۋىپتى قىلمىس جاساعانى ءۇشىن قىلمىستىق جاۋاپكەرشىلىكتى كۇشەيتۋ ماڭىزدى دەپ سانايدى.

«بالانىڭ تۋىستارى مەن جاقىندارىنا قايعىرىپ كوڭىل ايتامىز»،-دەلىنگەن حابارلامادا.

ايتا كەتەيىك، بۇعان دەيىن تۇركىستان وبلىسىندا ەر ادامنىڭ 5 جاسار ءبۇلدىرشىندى ايۋاندىقپەن ولتىرگەنى تۋرالى حابارلانعان.

Abai.kz