تۇركيانىڭ وڭتۇستىگىندە مۋگلا پروۆينتسياسىندا بودرۋم اۋەجايى ماڭىندا ورمان اۋماعىندا ءورت تۇتاندى. بۇل اۋداندا قازىر اۋا تەمپەراتۋراسى 43 گرادۋستان اسادى، دەپ حابارلايدى تۇركيانىڭ Anadolu اگەنتتىگى.

ءورت سوندىرۋگە مۋگلا پروۆينتسياسى ورمان شارۋاشىلىعى باسقارماسىنا تيەسىلى 9 تىكۇشاق پەن 9 ۇشاعى، 53 اۆتوتسيستەرنا، 4 بۋلدوزەر، تجم جەكە قۇرامىنىڭ 300 ادامى قاتىسىپ جاتىر. تۇنگى ۋاقىتتا ورمان ءورتىن سوندىرۋگە تۇندە كورۋ جۇيەسى بار تىكۇشاق تارتىلدى.

مۋگلا گۋبەرناتورى ورحان تاۆلي اۋەدە جانە قۇرلىقتا ورتپەن كۇرەسۋ جالعاسىپ جاتقانىن حابارلادى. ميلياس اۋدانىندا قارت ادامدار ەۆاكۋاتسيالاندى.

اۋىل جانە ورمان شارۋاشىلىعى ءمينيسترى يبراگيم يۋماكلى وقيعا بولعان جەردى تەكسەرىپ، ءورتتىڭ باقىلاۋدا ەكەنىن حابارلادى. ول سونداي-اق ءورتتىڭ اۋەجاي ماڭىندا باستالعانىن ناقتىلادى.

ونىڭ ايتۋىنشا، ەلدە تاعى 6 ءورت تۇتانعان: ەكەۋى يزميردە، ەكەۋى حاتايدا جانە ءبىر-بىردەن كاحرامانماراشتا جانە بالىكەسيردە.

ءورتتىڭ شىعۋ سەبەبى انىقتالماعان. تەرگەۋ جۇرگىزىلۋدە.

فوتو: اشىق دەرەككوزدەن

Abai.kz