چەح مۋزىكالىق تەلەارناسى OCKO.TV ديماش پەن ءابىلمانسۇر قۇدايبەرگەننىڭ «Together» بەينەبايانىن توپ-20 ۇزدىك مۋزىكالىق بەينەلەردىڭ داۋىس بەرۋ تىزىمىنە ەنگىزدى. بەسىنشى اپتا قاتارىنان كليپ ءبىرىنشى ورىندا كەلەدى، دەپ حابارلايدى Dimashnews.com .

چەحياداعى العاشقى «ÓČKO» مۋزىكالىق تەلەارناسى 2002 جىلدىڭ 1 قازانىندا ەفيرگە شىعا باستادى. تەلەباعدارلامانىڭ نەگىزگى بولىگىن وتاندىق جانە شەتەلدىك ورىنداۋشىلاردىڭ بەينەكليپتەرى قۇرايدى. سونداي-اق، ارنا ەفيرىندە كونتسەرتتەر مەن ءان چارتتارى كورسەتىلەدى.

ديماش قۇدايبەرگەن العاش رەت چەحيا تەلەارناسىندا 2021 جىلدىڭ 10 اقپانىندا ءوزىنىڭ «Golden» مۋزىكالىق بەينەبايانىمەن تانىستىرىلدى.

ەسكە سالساق، بيىل ماۋسىمنىڭ سوڭىندا كۋالا-لۋمپۋردا تانىمال قازاقستاندىق ءانشى ديماش قۇدايبەرگەننىڭ جەكە كونتسەرتى وتتى. Axiata Arena-دا العاش رەت قازاق حالىق اسپاپتارى ويناپ، قازاق اندەرى شىرقالعان ەدى.

Abai.kz