ستەپنوگورسك قالاسى اۋماعىندا جەرگىلىكتى اۋقىمداعى تەحنوگەندىك سيپاتتاعى توتەنشە جاعداي جاريالانادى.

«اقمولا وبلىسى ستەپنوگورسك قالاسى اۋماعىندا جەرگىلىكتى اۋقىمداعى تەحنوگەندىك سيپاتتاعى توتەنشە جاعداي جاريالانسىن»، - دەلىنگەن اشىق نورماتيۆتىك-قۇقىقتىق اكتىلەر پورتالىندا جاريالانعان ستەپنوگورسك قالاسىنىڭ اكىمى الپىسباي قايىرجانوۆتىڭ شەشىم جوباسىندا.

سونىمەن قاتار قۇجاتتا ستەپنوگورسك قالاسى اكىمىنىڭ ورىنباسارى ق.ورىنباساروۆ تەحنوگەندىك سيپاتتاعى توتەنشە جاعدايدى جويۋ باسشىسى بولىپ تاعايىندالاتىندىعى جانە تەحنوگەندىك سيپاتتاعى توتەنشە جاعدايدى جويۋعا باعىتتالعان ءىس-شارالاردى جۇرگىزەتىندىگى ايتىلعان.

تاياۋدا عانا تولاسسىز جاۋعان جاڭبىر سالدارىنان سۋ شايىپ كەتكەن الماتى وبلىسى جامبىل اۋدانىنا قاراستى 5 اۋىلدا توتەنشە جاعداي جاريالانعان ەدى.

فوتو: اشىق دەرەككوزدەن

Abai.kz