الماتىلىق «قايرات» باس باپكەرى رافاەل ۋرازباحتين ءوز ەركىمەن قىزمەتىنەن كەتۋگە شەشىم قابىلدادى. بۇل جونىندە كوماندانىڭ ءباسپاسوز قىزمەتى ءمالىم ەتتى.

كلۋب باسشىلىعى بۇل شەشىمىن قابىلداپ، ءوتىنىشىن قاناعاتتاندىردى.
رافاەل راديكوۆيچ 2024 جىلعى قىركۇيەكتە نەگىزگى كوماندانىڭ باس باپكەرى اتاندى. ونىڭ باسشىلىعىمەن العاشقى ماۋسىم قورىتىندىسى بويىنشا الماتىلىق كلۋب قازاقستان چەمپيونى اتاندى.

2025 جىلى ونىڭ جەتەكشىلىگىمەن «قايرات» قازاقستان سۋپەركۋبوگىن جەڭىپ الىپ، چەمپيوندىق اتاعىن قورعادى. كلۋب تاريحىندا العاش رەت UEFA چەمپيوندار ليگاسىنىڭ جالپى كەزەڭىنە جولداما الدى. ال 2026 جىلعى ماۋسىمدا كوماندا UEFA كونفەرەنتسيا ليگاسىنىڭ جالپى كەزەڭىنە شىعىپ، ەل بىرىنشىلىگىندە كۇمىس جۇلدەگەر اتاندى.

باس باپكەر مىندەتىن ەندى بۇعان دەيىن «قايرات-جاستار» تىزگىنىن ۇستاعان جورا ارۋتيۋنيان اتقارادى. ونىڭ جەتەكشىلىگىمەن كوماندا «التايعا» قارسى الداعى ماتچقا دايىندالادى.

Abai.kz