"قازىرگى ۋاقىتتا قازاقاستان تاراپى ىشكى مەملەكەتتىك راسىمدەۋدىڭ ءبارىن اياقتادى. ەندى قىتاي تاراپىنان دا ءدال وسىنداي راسىمدەۋدىڭ اياقتالعانى جونىندە حابار كۇتەمىز", - دەدى ءسىم-ءنىڭ رەسمي وكىلى ايبەك سمادياروۆ دۇيسەنبىدە بريفينگ كەزىندە.
26 شىلدەدە قازاقستان ۇكىمەتى قىتايمەن ۆيزا تالاپ ەتۋدەن بوساتۋ جونىندەگى ءوزارا كەلىسىمدى بەكىتتى. بۇل كەلىسىمگە سايكەس، ەكى ەلدىڭ ازاماتتارى 30 كۇنگە دەيىن ۆيزاسىز جۇرە الاتىن بولادى. بيىل 17 مامىردا قازاقستان پرەزيدەنتى قاسىم-جومارت توقاەۆ قىتايعا بارعان ساپارىندا اتالعان كەلىسىمگە قول قويعان.
قازاقستان مەن قىتاي اراسىنداعى شەكارا قاشىقتىعى 1 783 شاقىرىم.
بىلتىر شىلدە ايىنان بەرى قازاقستان قىتاي، ءۇندىستان جانە يران ەلدەرىنىڭ ازاماتتارىنا 14 كۇنگە دەيىن بىرجاقتى ۆيزاسىز رەجيم ەنگىزگەن.
Abai.kz
