بۇل تۋرالى جەرگىلىكتى اقپارات قۇرالدارى حابارلادى.

«ون جىلدا كەزەك التى ەسە ءوستى. بۇل حالىقتىڭ ماسىلدانىپ بارا جاتقانىن كورسەتەدى» دەپ مالىمدەدى قابدول.

شەنەۋنىك مالىمەتىنشە، قازىر ءۇي كەزەگىندە 646 819 قازاقستاندىق تۇر. 256 مىڭ ادامنىڭ الەۋمەتتىك جاعدايى ناشار.

تارتىپكە سايكەس، تابىسى 125 758 تەڭگەدەن اسپايتىندار الەۋمەتتىك جاعدايى ناشار تۇرعىنعا جاتادى.

قابدول باسپانا كەزەگىندە تۇرعان 232 مىڭ ادام زاڭ تالابىنا ساي ەمەس ەكەنىن اتاپ ءوتتى.

ونىڭ ايتۋىنشا، كەزەكتە تۇرعان 96,1 مىڭ ادامنىڭ باسپاناسى بار، 533 ادامنىڭ قازاقستان ازاماتتىعى جوق، 91,4 مىڭ ادامنىڭ تىركەۋدە تۇرعان ورنى كەزەكتە تۇرعان وڭىرمەن سايكەس كەلمەيدى، 29 مىڭ ادام تىركەيدە جوق، 15,6 مىڭ ادام قايتىس بولعان.

شەنەۋنىك ءۇي كەزەگىندە تۇرعانداردىڭ 36 پايىزى جەڭىلدىكپەن باسپانا الۋعا قۇقىعى جوق ەكەنىن مالىمدەدى.

قازاقستانداعى شەنەۋنىكتەر بيلىكتەن الەۋمەتتىك كومەك سۇراعان جەرگىلىكتى تۇرعىنداردى ماسىلدار دەپ ءجيى اتايدى.

Abai.kz