قىتايدىڭ حانچجوۋ قالاسىندا XIX ازيا ويىندارىنىڭ جارىسى جالعاسىپ جاتىر: بۇگىن سپورتتىڭ 11 ءتۇرى بويىنشا 38 مەدال ساراپقا سالىنادى.

بۇگىن سپورتتىق گيمناستيكا، كريكەت، ۆەلوسپورت، سەمسەرلەسۋ، ساداق اتۋ، ەسكەك ەسۋ، سكەيتبوردينگ، دزيۋدو، ءجۇزۋ، تاەكۆوندو مەن ۋشۋ بويىنشا فينال ويىندارى وتەدى.

قازىر ازيا ويىندارىندا 20 التىن مەدال ولجالاپ ۇلگەرگەن قحر كوش باستاپ تۇر. ەكىنشى ورىندا – وڭتۇستىك كورەيا كومانداسى بولسا، ءۇشىنشى ساتىدا جاپونيا تۇر. قازاقستان ازىرگە 10-ورىندا تۇر.

23 قىركۇيەك پەن 8 قازان ارالىعىندا حانچجوۋدا وتەتىن XIX ازيا ويىندارىندا سپورتتىڭ 61 ءتۇرى بويىنشا 481 مەدال جيىنتىعى ساراپقا سالىنادى. قازاقستان قۇراماسى سپورتتىڭ 30 ءتۇرى بويىنشا جۇلدەگە تالاسادى.

فوتو: اشىق دەرەككوزدەن

Abai.kz