28 قىركۇيەكتە قازاقستان پرەزيدەنتى توقاەۆ المانياعا ات باسىن تىرەپ، نەمىس كانتسلەرى ولاف شولتسپەن بىرلەسە وتكىزگەن ءباسپاسوز كونفەرەنتسياسىندا ءسوز سويلەپ، رەسەيگە قاتىستى پىكىر ايتتى.

وزىنە دەيىن كومەكشىسى تيمۋر سۇلەيمەنوۆتىڭ: «ءبىز رەسەي مەن بەلارۋسپەن ەكونوميكالىق وداقتا بولساق تا، ءبىز ءبارى ءبىر الەمدىك قاۋىمداستىقتىڭ ءبىر بولىگى بولىپ تابىلامىز. استانا اقش پەن ەۋرووداقتىڭ شەكتەۋلەرىن اتتاپ ءوتۋدىڭ قۇرالىنا ەش اينالمايدى»، - دەگەن پىكىرىن ودان ارى دامىتا: «قازاقستان انتي-رەسەي ەمەس، بىراق، قاي كەزدە بولماسىن سانكتسيالىق شەكتەۋلەردى ەسكەرىپ وتىرادى»، - دەگەن بولاتىن.

«كازينفورم» باسىلىمىنا بەرگەن جاۋابىندا پرەزيدەنت توقاەۆ: «قازاقستان انتي-رەسەي بولىپ تابىلمايدى، ءبىز الەمدەگى ەڭ ۇزىن شەكارا بىرىكتىرەتىن رەسەيمەن جان-جاقتى ىنتىماقتاستىعىمىزدى قاتاڭ ۇستانامىز»، - دەدى.

«كەيبىر رەسەيلىك باق-تار مەن ساياسي قايراتكەرلەرى ءسىزدىڭ بەرليندەگى ءباسپاسوز كونفەرەنتسياسىندا ايتقان ءسوزىڭىزدى «رەسەيدەن ىرگە اجىراتىپ، باتىستىڭ جىرتىسىن جىرتۋعا كىرىستى» دەپ سىن ساداعىنا الىپ جاتىر؟» دەگەن كەزەكتى ساۋالعا پرەزيدەنت: «باسا ايتارىم، قازاقستان سانكتسيالىق شەكتەۋ قويىلعان تاۋارلارعا يەلىك ەتپەيدى، ءارى ونىمەن ساۋدا جاسامايدى. سونداي-اق رەسەيگە جاسالاتىن  پاراللەلدى يمپورتقا قاتىسپايدى»، - دەپ جاۋاپ بەردى..

ءارى وسى سۇحباتتى: «ەگەر قولىمنان كەلسە، قازىر اتىسىپ-شابىسىپ جاتقان ەكى ەلدى بىتىستىرەر ەدىم»، - دەپ تامامدادى.

Abai.kz