.png)
بقو: جوو قىزمەتكەرلەرى جەمقورلىق كۇدىگىنە ىلىكتى
باتىس قازاقستان وبلىسىنىڭ پروكۋراتۋراسى جاڭگىر حان اتىنداعى اگرارلىق-تەحنيكالىق ۋنيۆەرسيتەتىنىڭ عىلىمي قىزمەتكەرلەرى قاراجات جىمقىردى دەگەن كۇدىكپەن سوتقا دەيىنگى تەرگەپ-تەكسەرۋ باستادى. بۇل تۋرالى باس پروكۋراتۋرانىڭ رەسمي وكىلى دارحان دۇيسەمباي حابارلادى.
ونىڭ ايتۋىنشا، عىلىم جانە جوعارعى ءبىلىم مينيسترلىگى اسا قاۋىپتى اۋرۋلاردىڭ تارالۋى تاقىرىبىندا عىلىمي زەرتتەۋلەر جۇرگىزۋ ءۇشىن اتالعان ۋنيۆەرسيتەتكە 55 ملن تەڭگە بولگەن.
زەرتتەۋ ناتيجەلەرى حالىقارالىق كونفەرەنتسيالاردا تالقىلانىپ، سودان كەيىن پاتەنتتەلۋى كەرەك ەدى.
«الايدا ۋنيۆەرسيتەت عىلىمي زەرتتەۋ جۇمىستارىن فورمالدى جۇرگىزگەن جانە پاتەنت الماعان.
بۇعان قاراماستان، اتقارىلعان جۇمىستار تۋرالى جالعان اكتى جاسالىپ، بولىنگەن قاراجات ۇرلانعان.
پروكۋراتۋرانىڭ تاپسىرماسى بويىنشا قىلمىستىق ءىستى ەكونوميكالىق تەرگەپ-تەكسەرۋ دەپارتامەنتى تەرگەۋدە»، - دەلىنگەن ۇسىنىلعان مالىمەتتە.
Abai.kz
