بۇگىن استانادا «اۋىل» حالىقتىق-دەموكراتيالىق پاتريوتتىق پارتياسىنىڭ كەزەكتەن تىس XXIII سەزى ءوتتى، وعان پارتيانىڭ بارلىق جيىرما وڭىرلىك فيليالدارىنان دەلەگاتتار قاتىستى.

سەزدە قارالعان باستى سۇراق جاڭا توراعانى سايلاۋ بولدى.

«پارلامەنت ماجىلىسىندەگى «اۋىل» ساياسي فراكتسياسىنىڭ پارتيامىزدىڭ سايلاۋالدى باعدارلاماسىن ىسكە اسىرۋ، سونداي-اق مەملەكەت باسشىسىنىڭ دەپۋتاتتار الدىنا قويعان مىندەتتەرىن ورىنداۋ جونىندەگى جۇمىسىن جانداندىرۋ قاجەت، وسىنى ەسكەرە وتىرىپ، ءماجىلىستىڭ سايلانعان دەپۋتاتتارى اراسىنان پارتيانىڭ جاڭا كوشباسشىسى بولۋى ءتيىس دەپ سانايمىن»، - دەدى ءالي بەكتاەۆ. ال ءوزى قر پارلامەنتى سەناتىنداعى جۇمىسىنا نەگىزگى كوڭىل بولەتىنىن جەتكىزدى.

پارتيانىڭ جاڭا توراعاسى بولىپ قر پارلامەنتى ءماجىلىسىنىڭ دەپۋتاتى سەرىك ەگىزباەۆ سايلاندى.

سەرىك ەگىزباەۆ 1963 جىلى باتىس قازاقستان وبلىسىندا دۇنيەگە كەلگەن، اۋىل شارۋاشىلىعى سالاسىندا جانە مەملەكەتتىك باسقارۋ ورگاندارىندا پراكتيكالىق تاجىريبەسى بار. 

«اۋىل» پارتياسى بيىلعى سايلاۋ قورىتىندىسى بويىنشا پارلامەنت ماجىلىسىندە 8 دەپۋتاتتىق مانداتقا يە بولعان ەلدەگى ەڭ ءىرى ساياسي كۇشتەرىنىڭ ءبىرى ەكەندىگىن اتاپ وتكەن ءجون.

Abai.kz