باس پروكۋروردىڭ ورىنباسارى اسەت شىنداليەۆ پرەمەر-ءمينيستردىڭ بۇرىنعى ورىنباسارى التاي كولگىنوۆ تۋرالى سۇراققا جاۋاپ بەردى، دەپ حابارلايدى Ulysmedia.kz.

جۋرناليستەر “كولگىنوۆكە قاتىستى تەرگەۋ جۇرگىزىلىپ جاتىر ما؟” دەپ سۇرادى.

"بۇرىنعى اكىمگە قاتىستى تەكسەرۋ جۇرگىزىلىپ جاتىر ما، الدە سوتقا دەيىنگى تەرگەۋ باستالدى ما دەگەن سۇراقتارعا قاتىستى ايتارىم، مەندە قازىر دەرەك جوق. قىلمىستىق ءىس قوزعالعانى-قوزعالماعانى جايلى اقپارات جوق", – دەدى ول.

ەسكە سالايىق، 8 ماۋسىم كۇنى توقاەۆ كولگىنوۆتى پرەمەر-ءمينيستردىڭ ورىنباسارى لاۋازىمىنان بوساتتى، بۇل قىزمەتتە ول التى ايدان از ۋاقىت قانا جۇمىس ىستەدى.

بۇدان بۇرىن ەكس-شەنەۋنىك ەلوردا اكىمى كەزىندە اتقارعان جۇمىستارىن جۇرتتىڭ ەسىنە سالعان.

“مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىمەن «اۋىلدىق دەنساۋلىق ساقتاۋدى جاڭعىرتۋ»، ​​«جايلى مەكتەپ»، «اۋىل اماناتى» جانە تاعى باسقا مەملەكەتتىك باعدارلامالاردى جۇزەگە اسىرۋ باستالدى. جاۋاپتى مينيسترلىكتەر جۇمىسىن باستادى. ماسەلەن، «اۋىل دەنساۋلىق ساقتاۋ سالاسىن جاڭعىرتۋ» جوباسى 3 جىل ىشىندە 600-دەن استام مەديتسينالىق نىساندى سالۋ ارقىلى اۋىل تۇرعىندارىن جەدەل ءارى ساپالى مەديتسينالىق كومەكپەن قامتاماسىز ەتەدى. سونداي-اق رەسپۋبليكا بويىنشا «جايلى مەكتەپ» جوباسى جۇزەگە اسىرىلىپ جاتىر. ناتيجەسىندە اپاتتى جانە ءۇش اۋىسىمداعى مەكتەپتەردىڭ ماسەلەلەرى شەشىلەدى”، – دەيدى التاي كولگىنوۆ.

فوتو: اشىق دەرەككوزدەن

Abai.kz