ورىس يمپەرياسى كسرو كەزىندە – دىنسىزدەنگەن قوعام قۇرسا، ەندى پۋتيندىك رەجىم تۇسىندا – ارسىزدانعان قوعامدى ومىرگە اكەلدى. وسى دىنسىزدەگەن قوعامنىڭ دا، ارسىزدانعان رەجىمنىڭ ءبىر اتا جاۋى بار – ول انگلو-ساكستار.

اعىلشىن ءتىلدى الەممەن قىبعي قاباق بولۋ – ءحىح عاسىردىڭ باسىندا نيكولاي ءى كەزىندەگى قىرىم سوعىسىنداعى جەڭىلىستەن كەيىن رەسەي بيلىگى مەن ۇلتىنىڭ بويىن جايلادى. باعى تايعان وسمان جانە پارسى يمپەريالارىنىڭ اسكەرىن تەك جەڭۋمەن كەلگەن رەسەي ءبىرىنشى رەت تۇمسىعى تاسقا سوعىلىپ، تاس-تالقان بولىپ جەڭىلدى. ۇنەمى ىشىنە دىق ساقتاپ، انگليامەن وداقتاسۋدىڭ بارشا امال-ءتاسىلىن ىزدەۋگە كوشتى. بىراق قىرىم سوعىسىنىڭ اششى ساباعى رەسەيلىكتەر جادىندا ماڭگىگە قالدى.

بىراق ولار بۇل ساباقتان ەش قورىتىندى شىعارماي، اۋەلى ۇلىبريتانيانى، ونىڭ يمپەريالىق كۇش-قۋاتى سارقىلعان تۇستا اقش اتا جاۋىنا اينالدىردى. اقش-قا ءوش ەلدەر اۋەلى كسرو-نىڭ كەيىن پۋتيندىك رەسەيدىڭ ماڭىنا توپتاساتىن بولعاندى.

كسرو-دا، پۋتيندىك رەجىم دە ءىى جاھان سوعىسىنداعى جەڭىستىڭ تەك اقش پەن ۇلىبريتانيانىڭ اسكەري-ەكونوميكالىق قايتارىمسىز كومەگى ارقىلى مۇمكىن بولعاندىعىن تاريح بەتىنەن سىزىپ تاستاعان ورىس الەمى. تاعى دا سول جاڭا قىرىم سوعىسىندا جەڭىلىسكە ۇشىرادى. وسى جەڭىلىسى ءۇشىن حالىق الدىندا ەسەپ بەرۋدەن جالتىرۋ ءۇشىن يرانمەن بىرىگىپ، حاماس قولتىعىنا سۋ بۇركىپ، ءيزرايلدى تاياۋ شىعستاعى سوعىسقا ارالاستىردى.

سونىمەن بىتەۋ جاراداي بولعان قۇدىس تۇينەمەسى جارىلدى. قارسىلاسۋشى ەكى جاق وزدەرىنە جاقتاس ىزدەي باستادى. رەسەي كسرو قۇلاعاننان كەيىن جوعالتىپ العان مارتەبەسىن قايىرا يەلەنىپ، حالىقارالىق سيونيزممەن ء(جويىت ۇلتشىلدىعىمەن) كۇرەسۋدىڭ ورتالىعىنا اينالىپ، حاماس وكىلدەرى ماسكەۋگە اعىلدى.

وسى اعىلعان وكىلدەردى ماسكەۋ قۇشاق جايا قارسى الىپ، جوعالعان جوعى تابىلىپ، حالىقارالىق ارەناداعى رەسەي بەدەلىنىڭ ارتۋى دەپ ءوز جۇرتىن يمانداي ۇيىتتى. حاماس يسلامدىق قارسىلاسۋ قوزعالىسىنىڭ ساياسي بيۋروسنىڭ مۇشەسى ابۋ مارزۋك مىرزامەن رف ءسىم بولعان كەلىسسوزدىڭ تەك شەت جاعاسى عانا باق جاريالاندى. قالعانى تۇمشالانعان پەردە دەسە دە بولادى. بار-جوعى:

«يسلامدىق قارسىلاسۋ قوزعالىسىنىڭ ساياسي بيۋروسنىڭ مۇشەسى ابۋ مارزۋك ماسكەۋگە كەلدى. ونىمەن بايلانىس ورناتىلىپ، رەسەي تاراپى گازا سەكتورى اۋماعىنداعى شەتەلدىك تۇتقىندارى دەرۋ بوساتۋدى ۇسىنىپ، سونداي-اق قۇدىس انكلاۆداعى رەسەي جانە وزگە دە ەلدەردىڭ ازاماتتارىن باسقا جەرگە جەتكىزىلۋىنىڭ جاي جاپسارى تالقىلاندى»، - دەپ قىسقا قايىرىلعان.

بۇل ارادا الەمدى كوزگە ىلمەگەن رەسەيدىڭ وزگە ەلدىڭ ازاماتتارىن بوستاۋعا نەسىنە ەمشەسى ەزىلە قالدى دەگەن ساۋال وزىنەن-ءوزى تۋىندايدى.

ابۋ مارزۋك مىرزانىڭ بۇل ساپارى ءيزرايلدى تۇلان تۇتقىزعانى بەسەنەدەن بەلگىلى. جاسىرىن اقپارات كوزدەرى بۇل بايلانىس ورناتۋدىڭ باسى قاسىندا يران سىرتقى ىستەر ءمينيسترىنىڭ ورىنباسارى بولعاندىعىن بۇكپەسىز جازادى. سونىمەن ءۇش تاراپتىڭ جابىق ەسىك جاعدايىندا قانداي كەلىسسوزدەر وتكىزگەنىن ەشكىمدە بىلمەيدى. رف ءسىم تەك تۇتقىنداردى بوستاۋ دەگەن شىعارىپ سالما سوزبەن كوزبوياۋشىلىق جاساپ وتىر. يزرايل جاعى بولسا، حاماس اسكەري كومەك سۇراۋ ءۇشىن باردى دەگەندى العا تارتادى.

وسى جولى رەسەي ءوزى كوتەرە المايتىن شوقپاردى بەلىنە بايلاعان سەكىلدى.

بۇل ارينە ۋكراينادا قارا بەت بولعان رەسەيدىڭ سىرتقى ساياساتتا الەمدى وزىمەن ساناسۋعا حاماس-تى پايدالانا باستاۋى دەۋدەن باسقا ەش جوسىققا سىيمايدى.

Abai.kz