مىناۋ قاي كىسى؟ قوستاناي وبلىسىنىڭ بەيىمبەت مايلين اۋدانىنداعى نوۆويلينوۆ اۋىلدىق وكرۋگىنىڭ اكىمى – ماقاش تايماسوۆ. بۇل تۇرىسى – تۇنگى ساعات 23:00-دەن كەيىن دۇكەنگە كەلىپ، اراق ساتۋدى تالاپ ەتىپ تۇرعان بەتى. وسى وقيعا الەۋمەتتىك جەلىلەر ارقىلى مۇقىم ەلگە تاراپ، جەلى قولدانۋشىلارى قوستاناي وبلىسىنا مويىن بۇردى. وقيعا بىلاي بولعان-ءدۇر:

ماقاش تايماسوۆ تۇنگى ساعات 23:00-دەن كەيىن جەرگىلىكتى دۇكەنگە كىرىپ، اراق ساتۋدى تالاپ ەتكەن. ساتۋشى بۇل ۋاقىتتا اراق-شاراپ ساتۋعا زاڭ تىيىم سالعانىن ايتىپ، اراق ساتۋدان باس تارتقان. ال اكىم بولسا دۇرسە قويا بەرىپتى. ءسوزى «سەن مەنىڭ كىم ەكەنىمدى بىلەسىڭ بە؟ مەن سەندەردىڭ بارلىعىڭدى دا...» – دەپ باستالىپ، اۋزىنان اق يت كىرىپ، كوك يت شىعىپتى. جەكە باسىنا ءتيىسىپ، بوقتاپ-بالاعاتتاپ، قوقاڭ-لوققى كورسەتكەن.

كەيىن ونىڭ ماسەلەسى ادەپ جونىندەگى كەڭەستە قارالعاندا اكىمىمىز مۇنىڭ الدىندا ايەلىمەن كەرىسىپ قالىپ، كوڭىل-كۇي قاتتى بۇزىلعانىن، ونىڭ ۇستىنە دۇكەن ساتۋشىسىنىڭ اششى سۋدى بەرمەي دورەكىلىك تانىتقانى قاتتى جۇيكەسىنە تيگەنىن، سودان سوڭ ءوزىن-ءوزى ۇستاي الماعانىن ايتىپ اقتالىپتى.

مۇنىمەن نە ايتقىمىز كەلدى؟ اكىم-قارالاردىڭ قىزمەتىن اسىرا پايدالانىپ، قر زاڭىن بەلشەسىنەن باسقىسى كەلگەن ارەكەتى بۇعان دەيىن مىڭ قايتارا بولعان شىعار. قازاقستاننىڭ قاي قيىرىنا بارىپ، قاراشا حالىقتان سىر سۋىرتپاقتاساڭىز، تىم بولماسا ومىرىندە ءبىر رەت مۇنداي جاعدايعا كۋا بولعانىن نەمەسە ەستىگەنىن تەرىسىنە سىيماي ايتىپ بەرەرى انىق. جوعارىداعى جاعداي باسقا شەندى-شەكپەندىلەرگە ساباق بولسا ەكەن دەيمىز. نە دەگەنمەن، قر ازاماتتارىنىڭ قۇقى مەن حاقى تەڭ، ەشكىم قۇدايدىڭ كىندىگىنەن سالبىراپ تۇسە قالعان جوق ءھام ەشكىمنىڭ شىكىراسى ەمەس.

جايبەرگەن بولاتوۆ

سۋرەتتە: اكىمنىڭ ءتۇن ورتاسىندا دۇكەنگە كەلىپ، ورىندىققا جايعاسىپ الىپ، اكىرەڭدەگەن ءساتى.

ەسكەرتۋ: Abai.kz ەركىن اقپارات الاڭى. ماقالادا اتى اتالعان ازاماتتار رەداكتسيامىزعا جاۋاپ-ۋاجدەرىن ايتار بولسا، ەكىنشى تاراپتىڭ دا جاۋابىن جاريالايمىز...

Abai.kz