بەيسەنبى, 28 ناۋرىز 2024
جاڭالىقتار 3636 0 پىكىر 26 قىركۇيەك, 2013 ساعات 10:16

«ەل ارنا» ەلدى نەسىمەن قۋانتادى؟

«ەل ارنا» تەلەارناسىنىڭ جاڭا ماۋسىمى قىزىقتى ءارى تۇشىمدى باعدارلامالار مەن ءتۇرلى جانرداعى تەلەسەريالدارعا تولى بولماق. تەلەارنا باسشىلىعى نەگىزگى باسىمدىقتى قازاق كورەرمەنىنە قاراي باعىتتاعالى وتىر. سوزىمىزگە دالەل، انە-مىنە شىمىلدىق تۇرەر ماۋسىمدا تۇساۋى كەسىلەتىن 4 بىردەي جاڭا سەريالدىڭ قاي-قايسىسى دا قازاق تىلىندە تۇسىرىلگەن.

«ەل ارنا» تەلەارناسىنىڭ جاڭا ماۋسىمى قىزىقتى ءارى تۇشىمدى باعدارلامالار مەن ءتۇرلى جانرداعى تەلەسەريالدارعا تولى بولماق. تەلەارنا باسشىلىعى نەگىزگى باسىمدىقتى قازاق كورەرمەنىنە قاراي باعىتتاعالى وتىر. سوزىمىزگە دالەل، انە-مىنە شىمىلدىق تۇرەر ماۋسىمدا تۇساۋى كەسىلەتىن 4 بىردەي جاڭا سەريالدىڭ قاي-قايسىسى دا قازاق تىلىندە تۇسىرىلگەن.

 ەندىگى جەردە تۇرىك پەن كارىستىڭ ءبىرسارىندى دۇنيەلەرىنەن كوزى دە كوڭىلى دە شارشاعان وتاندىق كينوسۇيەر قاۋىم، ونىڭ ىشىندە اۋىلداعى اعايىن ءوز ءتولتۋىندىلارىمىزدى تاماشالاپ، سەريالداردىڭ ءمانى مەن مازمۇنىنا ءۇڭىلىپ، ساپاسىنا باعا بەرۋگە مۇمكىندىك الادى. ال كينو ءوندىرىسىن جاڭا دەڭگەيگە كوتەرۋدى كوزدەپ وتىرعان تەلەارنا باسشىلىعى اتالمىش تۋىندىلاردىڭ كورەرمەن كوڭىلىنەن شىعارىنا سەنىمدى. «ەڭ الدىمەن بۇگىنگى كۇننىڭ شىندىعىن شىرىلداتىپ كورسەتەتىن ءارى وزەكتى ءارى تىڭ تاقىرىپتاردى كوتەردىك، قازاق كينوسىنداعى كەيبىر «ءولى» جانرلاردى قايتا ءتىرىلتىپ، ايتالىق، ميستيكالىق بولماسا شىتىرمان وقيعالى سەريالداردى ءتۇسىرۋ قازاق رەجيسسەرلەرىنىڭ دە قولىنان كەلەتىنىن دالەلدەۋگە تىرىستىق» دەيدى. قازاق كينوسىنىڭ جارىق جۇلدىزدارى جاڭا قىرىنان تانىلاتىن، سونداي-اق تالانتتى دا تالاپتى جاس اكتەرلەر ءوز ونەرلەرىن پاش ەتۋگە مۇمكىندىك الاتىن جاڭا ماۋسىمنان كورەرمەننىڭ دە كۇتەرى كوپ. ال سەريالداردىڭ ناقپا-ناق ايتىلعانداي سانىنا ساپاسى ساي بولسا، كوپتەگەن كەيىپكەرلەردىڭ ءبىزدىڭ جۇرەگىمىزدە جاتتالىپ، سانامىزدا ساقتالىپ قالارى انىق. بۇل رەتتە انە-مىنە دەگەنشە كوگىلدىر ەكرانعا جول تارتاتىن تۋىندىلار جايىندا از-ماز اقپارات بەرە كەتسەك، ارتىق بولماس.

«تراكتورشىنىڭ ماحابباتى»قازاق تەلەۆيزياسىنداعى ەڭ رەيتينگتى سەريال

«ەل ارنادا» 9 قىركۇيەكتەن باستاپ كورسەتىلە باستاعان سەريال اينالاسى اپتانىڭ ىشىندە وتاندىق باعدارلامالار رەيتينگىندە كوش باستادى. ءفيلمنىڭ نەگىزگى مازمۇنى مىناداي: بەللا ەسىمدى قالانىڭ قىزى اياق استىنان اۋىلعا تاپ بولادى دا، جەرگىلىكتى تراكتوريستكە عاشىق بولادى. وقيعا – الماتى وبلىسىنداعى سايماساي اۋىلىندا وتەدى. باس پروديۋسەر بايان ەسەنتاەۆانىڭ ايتۋىنشا، ءتۇسىرۋ الاڭىندا يمپروۆيزاتسيا كوپ بولعان. ايتالىق، باس كەيىپكەر كامشات جولدىباەۆا بۇل جوبانىڭ ارقاسىندا سيىر ساۋىپ ۇيرەنىپتى. سونىڭ اسەرى بولۋ كەرەك، جەڭىل، ادەمى ازىلگە قۇرىلعان كومەديا كوپشىلىكتىڭ كوڭىلىنەن شىعۋدا.

«كۇن ساقشىلارى»ەلىمىزدەگى تۇڭعىش ميستيكالىق سەريال

سەريالدىڭ پروديۋسەرى احات ىبىراەۆتىڭ پىكىرىنشە اتالعان جوبا – وقيعالار، ەموتسيالار مەن سەزىمدەردىڭ توعىسى. نەگىزگى وقيعا فاستفۋدتا وتەدى. قازاقستاندا فاستفۋد جەلىستەرى قارقىندى دامۋدا. بىراق ولاردا كىمدەر جۇمىس ىستەيدى؟ ءتۇرلى ءتۇستى پەردەنىڭ ارعى جاعىندا نەندەي وقيعالار ءوتىپ جاتىر؟ بىلگىڭىز كەلسە، بۇل جۇيەگە كەزدەيسوق ءتۇسىپ كەتەتىن ارلەن ەسىمدى جىگىتتى «اڭدىپ» وتىرساڭىز بولعانى. ونىڭ ارمان-مۇراتى قارجىگەر بولۋ، الايدا ادامنىڭ دەگەنى بولۋشى ما ەدى؟ ول جاڭا ورتادا جاڭا ادامدارمەن تانىسادى، ولاردىڭ ءبىرى ءوزى سياقتى قاراپايىم بولسا، ءبىرى اۋقاتتى ادامنىڭ بالاسى، بىراق ءبارىن بىرىكتىرەتىن نارسە – ولار ءوز كۇشتەرىمەن ناپاقا تاپقىسى كەلەدى.

«ۇزاق جول» – شىتىرمان وقيعالى مەلودراما

بۇل سەريالدىڭ ءار سەرياسى – قىزعىلىقتى حيكايا. ءار سەريادا باس كەيىپكەرلەردىڭ تاعدىرىندا كۇتپەگەن وقيعالار ورىن الىپ جاتادى. اۋىلدان كەلگەن ەكى جاس امانتاي مەن جانار مىڭداعان تاعدىرلاستارى سياقتى ارمان قۋىپ الماتىعا كەلەدى. بىراق ۇلكەن شاھاردا جاستاردى جاڭا قيىندىقتار كۇتىپ تۇرادى. سيۋجەتتە كاسىپكەرلەر ءمادينا مەن مۇسانىڭ وقيعاسى قاتار ءوربىپ وتىرادى. ولاردىڭ حيكاياسى — تراگەديا مەن دەتەكتيۆتىڭ قوسىندىسى ىسپەتتەس.

«باجالار» – كومەديالىق سەريال

قازاقستاننىڭ ءار نۇكتەسىنەن جينالعان، ماماندىعى مەن كاسىبى، مىنەز­قۇلقى مەن ومىرلىك ۇستانىمدارى ءارتۇرلى ءتورت ادامدى نە نارسە بىرىكتىرۋى مۇمكىن؟ قىزىق بولعاندا، ولاردىڭ ءبارى وتستاۆكاداعى گەنەرالدىڭ كۇيەۋ بالالارى جانە ءبارى دە اۋزىنان ءازىلى تۇسپەيتىن قىلجاقباستار. ونىڭ ۇستىنە گەنەرال شامادان تىس تالاپشىل بولىپ شىقسا، قايتپەك كەرەك؟ ءا دەگەندە ءبىر­بىرىن بوتەنسيتىن «باجالار» وتباسىلىق كومەدياسىنىڭ باس كەيىپكەرلەرى ۋاقىت وتە ارالارىنان قىل وتپەس جاقىن بولىپ كەتەدى. ارينە، كەيىپكەرلەردىڭ باسىنان ءتۇرلى جاعدايلار وتەدى. ادەمى ازىلگە قۇرىلعان سەريالدىڭ رەجيسسەرى – كومەديالىق جوبالاردىڭ كانىگى مامانى – اسقار بيسەمبين. 

"دالا مەن قالا" گازەتى
0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525