قوستاناي وبلىسىندا 42 ءۇي جىلۋسىز قالدى
قوستاناي وبلىسىندا ماگيسترالدى قۇبىرداعى اپاتقا بايلانىستى 42 كوپقاباتتى ءۇي، مەكتەپ پەن اۋەجاي جىلۋدان اجىراتىلدى، دەپ حابارلايدى «قوستاناي جىلۋ ەنەرگەتيكا كومپانياسى» رمك.
«گەراسيموۆ كوشەسى، 4 مەكەنجايىنداعى ءۇيدىڭ جانىندا ورنالاسقان جەراستى جىلۋ قۇبىرىنىڭ جارىلۋ سالدارىن جويۋ ءۇشىن 20 جەلتوقسان، ساعات 12.00 - 20.00 ارالىعىندا 42 كوپقاباتتى ءۇي، №29 ورتا مەكتەپ مەن قوستاناي حالىقارالىق اۋەجايى جىلۋدان اجىراتىلادى.
كەلتىرىلگەن قولايسىزدىقتار ءۇشىن كەشىرىم سۇرايمىز جانە جۇمىستاردى نەعۇرلىم تەزىرەك اياقتاۋعا بار كۇش-جىگەردى سالاتىن بولامىز»، - دەلىنگەن تاراتىلعان حابارلامادا.
ەسكە سالايىق، 11 جەلتوقسان كۇنى دە قوستاناي جىلۋ جەلىسىندە توتەنشە جاعداي بولدى.
فوتو: عالامتوردان
Abai.kz
