ءبىزدىڭ اتا زاڭىمىزدا جازىلعانداي ءبىز زايىرلى مەملەكەتپىز. ءدىن مەن مەملەكەتتىڭ ارا جىگى اشىلعان. ءبىر-ءبىرىنىڭ ىسىنە قول سۇقپايدى. بۇل ەندى بارىمىزگە دە بەلگىلى جاعداي.

الايدا قانداي دا كاپيتاليستىك قوعامدا اقشا بيلەيتىندىكتەن، قالتاسى قالىڭدار بۇگىندەرى الىپ تا جىعادى، شالىپ تا جىعادى. جانە كىرىسپەيتىن جەرى دە جوق. وندايلار وزدەرىن زاڭنان دا جوعارى تۇرمىز دەپ ەسەپتەسە كەرەك.

سوندىقتان دا مۇندايلار قازىر الەمجەلىگە اۋىز سالىپ، اقشانىڭ كۇشىمەن ءارتۇرلى كۇماندى ناسيحات جۇرگىزۋگە كوشتى. ولاردىڭ ىشىندە ءدىني ناسيحات تا بار. بۇل جەردە قوعامدا وزىندىك ورنى بار قازاقستان مۇسىلماندارىنىڭ ءدىني باسقارماسى سەكىلدى ۇيىمدار جۇرگىزىپ جاتسا ءبىر ءسارى. ونىڭ ءجونى بولەك. الايدا كەيىنگى كەزدەرى الدەبىرەۋلەر الەمجەلىدەگى بەلگىلى بلوگەرلەرگە قىرۋار قارجى ۇسىنىپ، يسلام ءدىنىنىڭ ءومىر سالتىن ناسيحاتتاۋ جونىندە نەشە ءتۇرلى ۇسىنىس جاسايتىن كورىنەدى.

ماسەلەن، "BES.media" پورتالىنىڭ جازۋىنى قاراعاندا، "Qamaladin Media" مەديا-اگەنتتىگىنىڭ نەگىزىن قالاۋشى  ابىلايحان كاماليديننىڭ "Arman Abdolla" يۋتۋب ارناسىنا بەرگەن سۇحباتىندا وسى جايتقا الاڭدايتىندىعىن ءبىلدىردى.

- ماعان بىرقاتار بلوگەرلەر كەلىپ، ولارعا اي سايىن ءدىني ءومىر سالتىن ناسيحاتتاپ، سول ارقىلى شىن مانىنىدە يسلامدى قابىلداۋدى ۇسىنعاندىعىن ايتتى، - دەيدى ول.

مۇنداي ناسيحات ءۇشىن بەرەتىن قالاماقىسى دا وسال ەمەس كورىنەدى. ول ايىنا 10-20 مىڭ اقش دوللارىن قۇرايدى. ەگەر مۇنى ءوز اقشامىزعا كوشىرسەك ايىنا 5 ميلليوننان 10 ميلليون تەڭگەگە دەيىن جەتەتىن كورىنەدى.

ارينە،ءبىز وسىنشاما مول قارجىنىڭ قايدان شىعىپ جاتقاندىعىنان حابارسىزبىز. مۇمكىن، ولار وزىمىزدەگى بايلىعى تاسىعان سالافيتتەر بولار. نەمەسە، مۇنايدان تۇسكەن بايلىقتان باسى اينالىپ، ءوزدىرىنىڭ ءدىني كوزقاراستارىن بىزگە تاڭعىسى كەلگەن نيەتى جامان شەتەلدىك مەملەكەتتەر بولار.

قايتكەندە دە بۇل ءبىز ءۇشىن جاقسىلىقا اپاراتىن ءۇردىس ەمەس. اباي بولايىق، اعايىن!

جايبەرگەن بولاتوۆ

Abai.kz