سەناتور عاني قاسىموۆ ۇكىمەت باسشىسى س.احمەتوۆكە  رەسەي مەملەكەتتىك دۋماسىنىڭ دەپۋتاتى، رلدپ-نىڭ جەتەكشىسى جيرينوۆسكيدىڭ قازاقستانعا كەلۋىنە تىيىم سالۋىن سۇراپ، دەپۋتاتتىق ساۋال جولدادى.

سەناتوردىڭ ساۋال جولداۋىنا جيرينوۆسكيدىڭ رەسەي ارنالارىنىڭ بىرىنەن ورتا ازيا حالىقتارى تۋرالى ايتقان سوزدەرى سەبەپ بولىپتى. قاسىموۆ ورتا ازيا حالىقتارىنىڭ نامىسىن جىرتىپ، جيرينوۆسكيدى  جەلكەمنىڭ شۇڭقىرى كورسىن، قازاقستانعا اياعىن اتتاپ باسپايتىن بولسىن دەگەن وتىنىشپەن ۇكىمەتكە قايىرىلىپتى.

ايتسەدە، جيرينوۆسكي ورتا ازيا بىلاي تۇرىپتى، قازاقستاندى تالاي رەت جەردەن الىپ، جەرگە سالىپ جامانداپ، اۋزىنا كەلگەنىن ايتقانىن جۇرت جاقسى بىلەدى. ءتىپتى، نەشە رەت قازاقستانعا كەلىپ تە كەتكەن. رەسەيدىڭ ليبەرال-دەموكرات «بۇلبۇلى» قازاقستان تۋرالى ويىنا كەلگەنىن وتتاپ، «سايراعاندا» نامىستانباعان قاسىموۆقا  جيرينوۆسكيدىڭ ورتا ازيا تۋرالى ايتقاندارى جانىنا شىن باتقانعا ۇقسايدى. قايتسىن ەندى...

سەناتور عاني قاسىموۆ ۇكىمەت باسشىسى س.احمەتوۆكە  رەسەي مەملەكەتتىك دۋماسىنىڭ دەپۋتاتى، رلدپ-نىڭ جەتەكشىسى جيرينوۆسكيدىڭ قازاقستانعا كەلۋىنە تىيىم سالۋىن سۇراپ، دەپۋتاتتىق ساۋال جولدادى.

سەناتوردىڭ ساۋال جولداۋىنا جيرينوۆسكيدىڭ رەسەي ارنالارىنىڭ بىرىنەن ورتا ازيا حالىقتارى تۋرالى ايتقان سوزدەرى سەبەپ بولىپتى. قاسىموۆ ورتا ازيا حالىقتارىنىڭ نامىسىن جىرتىپ، جيرينوۆسكيدى  جەلكەمنىڭ شۇڭقىرى كورسىن، قازاقستانعا اياعىن اتتاپ باسپايتىن بولسىن دەگەن وتىنىشپەن ۇكىمەتكە قايىرىلىپتى.

ايتسەدە، جيرينوۆسكي ورتا ازيا بىلاي تۇرىپتى، قازاقستاندى تالاي رەت جەردەن الىپ، جەرگە سالىپ جامانداپ، اۋزىنا كەلگەنىن ايتقانىن جۇرت جاقسى بىلەدى. ءتىپتى، نەشە رەت قازاقستانعا كەلىپ تە كەتكەن. رەسەيدىڭ ليبەرال-دەموكرات «بۇلبۇلى» قازاقستان تۋرالى ويىنا كەلگەنىن وتتاپ، «سايراعاندا» نامىستانباعان قاسىموۆقا  جيرينوۆسكيدىڭ ورتا ازيا تۋرالى ايتقاندارى جانىنا شىن باتقانعا ۇقسايدى. قايتسىن ەندى...

جيرينوۆسكيدىڭ جەل سوزىنە ەتىمىز ۇيرەنىپ كەتكەن. جىندىمەن بىرگە جىندى بولاسىڭ با، ەندى... الدە قازاقستاندا مەملەكەتتىڭ ابىروي-بەدەلى، نامىسى دەگەن نارسە قاسقالداقتىڭ قانىنداي قات نارسە بولىپ كەتكەن بە، ايتەۋىر، جيرينوۆسكي سياقتىلار نە دەسە دە، ءۇن-ءتۇن جوق وتىرا بەرەمىز. ۇنسىزدىكتىڭ ەسەبىنەن الىپ قاراساق، قاسىموۆ مىرزا كىشىگىرىم ەرلىك جاسادى دەۋگە بولادى. سەبەبى، قازىرگى ساياسي جاعدايدا رەسەيگە جانە ونىڭ ازاماتتارىنا قارسى ءسوز ايتۋ، قارسى تۇرۋ قازاقستاندا جەڭىل-جەلپى قىلمىسقا اينالىپ، قارسى تۇرعانداردىڭ تىرلىگى ۇلتتىق ەرلىككە بالانا باستادى...

ال، ۇكىمەت جيرينوۆسكيدىڭ قازاقستانعا كەلۋىنە تىيىم سالمايدى-اۋ... «اتىمنىڭ سىرى وزىمە ءمالىم» دەگەندەي... ءبىزدىڭ ۇكىمەت ونداي ەرلىككە بارسا، بۇ دۇنيە باسقاشا رەڭك الار ما ەدى، قايتەر ەدى...

جيرينوۆسكي 1946 جىلى الماتىدا تۋعان. رەسەيگە قازاقستاننان بارعان «ورالمان» دەسە دە بولادى. الماتىداعى №25 ورتا مەكتەپتە وقىعان. الماتىداعى ماسانشى كوشەسىنىڭ بويىنداعى № 79 ۇيدەگى № 3 پاتەردە تۇرعان. قازىر ءوزىنىڭ تاريحي وتانىنىڭ استاناسى ماسكەۋدە. بىلدەي ءبىر پارتيانىڭ جەتەكشىسى، كوسەمى. رەسەي دۋماسىندا دەپۋتات.

Abai.kz