قىرعىزستان مينيسترلەر كابينەتىنىڭ توراعا ورىنباسارى ءادىل بايسالوۆ مەملەكەت باسشىسى سادىر جاپاروۆ كەلەسى پرەزيدەنت سايلاۋىنا قاتىسادى دەپ مالىمدەدى. بۇل جونىندە ول 29 قاڭتاردا ازاتتىق راديوسىنىڭ "ساراپشىلار تالدايدى" باعدارلاماسىندا ايتتى.

ء"بىزدىڭ پرەزيدەنت كەلەسى سايلاۋعا قاتىسادى. كونستيتۋتسيا وعان مۇمكىندىك بەرەدى. سول سەبەپتەن ول ءىسىن جارتى جولدا قالدىرعىسى كەلمەيدى. تىپتەن حالىق مۇمكىندىك بەرمەگەن جاعدايدا دا. حالىق جاقىن ءۇش جىلدا كوپتەگەن جەتىستىكتەردىڭ كۋاگەرى بولادى", - دەدى ول.

پرەزيدەنت اكىمشىلىگى ازىرگە سادىر جاپاروۆتىڭ ەكىنشى مەرزىمگە سايلاۋعا قاتىساتىنى-قاتىسپايتىنى جايىندا پىكىر بىلدىرمەدى.

"ساراپشىلار تالدايدى" باعدارلاماسىندا سادىر جاپاروۆتىڭ 3 جىل ەلدى باسقارىپ كەلە جاتقان جىلدارىنداعى جەتىستىكتەرى مەن كەمشىلىكتەرى جايلى ءسوز بولدى.

2021 جىلى قابىلدانعان قىرعىزستاننىڭ جاڭا كونستيتۋتسياسىنا سايكەس، پرەزيدەنت بەس جىلعا سايلانادى. ول ەكىنشى كەزەڭگە سايلاۋعا تۇسە الادى. سادىر جاپاروۆ 2021 جىلدىڭ 10 قاڭتارىندا وتكەن پرەزيدەنت سايلاۋىندا جەڭىسكە جەتتى.

دەرەككوز: centralasian

فوتو: قىرعىزستان پرەزيدەنتىنىڭ ءباسپاسوز قىزمەتى

Abai.kz