شىمكەنتتە تەرروريزمدى ناسيحاتتاۋ بويىنشا كۇدىكتى قولعا ءتۇستى
ۇلتتىق قاۋىپسىزدىك كوميتەتى پروكۋراتۋرانىڭ ۇيلەستىرۋىمەن 1 اقپاندا شىمكەنت قالاسىندا تەرروريزمدى ناسيحاتتاۋ بويىنشا كۇدىككە ىلىنگەن تۇركىستان وبلىسىنىڭ تۇرعىنىن ۇستادى.
تەرگەۋ ماتەريالدارى بويىنشا ول تەرروريستىك توپتاردىڭ جاعىندا ۇرىس ءىس-قيمىلدارىنا قاتىسۋ ءۇشىن سيرياعا كەتۋدى جوسپارلاعان.
قىلمىستىق كودەكستىڭ 256-بابى بويىنشا فيگۋرانتقا قاتىستى قىلمىستىق ءىس تەرگەلىپ، تەرگەپ-تەكسەرۋ جۇمىسى جۇرگىزىلىپ جاتىر.
قر قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپاراتتار جاريا ەتۋگە جاتپايدى.
فوتو: ۇقك ءباسپاسوز قىزمەتى
Abai.kz
