كەيىنگى بىرنەشە اپتادا قىرعىزستاندا مەملەكەتتىك ورگانداردىڭ باسشىلارى مەكەمە جۇمىسىنا جاساندى ينتەللەكت ەنگىزىپ جاتقانى تۋرالى مالىمدەگەن.

ماسەلەن، ۇكىمەت باسشىسى اقىلبەك جاپاروۆ سالىقتى ەسەپتەۋگە جاساندى ينتەللەكت قولدانىلادى دەسە، ۇقمك توراعاسى قامشىبەك تاشيەۆ ازاماتتاردى تابيعي اپاتتاردان حاباردار ەتۋ ءۇشىن وسىنداي جۇيەگە سۇيەنەتىنىن ايتقان.

ءبىر جىل بۇرىن پرەزيدەنت اكىمشىلىگى اقپاراتتى قىرعىز تىلىندە وڭدەيتىن NVIDIA "سۋپەركومپيۋتەرىن" تانىستىرعان. جاساندى ينتەللەكت قىرعىز ءتىلىن قولدانا باستاعانى تۋرالى جاريالانعان. ەندى قىرعىز تىلىندە چات-بوت اشۋ قولعا الىنعان.

قىرعىزستان جاساندى ينتەللەكت سالاسىندا ەلەۋلى جەتىستىكتەرگە جەتكەنى جونىندە 1 اقپاندا Digital Almaty «Industry X: تسيفرلى ەۆوليۋتسيا» فورۋمىندا ايتىلعان.

قىرعىز دەلەگاتسياسىنىڭ وكىلى ازامات بۋرجۋەۆ ازاتتىققا بەرگەن سۇحباتىندا جاساندى ينتەللەكت قىرعىزستاننىڭ مەملەكەتتىك باسقارۋ جۇيەسىنە ەنەتىنىن مالىمدەدى. ماقسات – مەملەكەتتىك قىزمەت ساپاسىن ارتتىرۋ. الايدا بۇل سالانى جەتىك تۇسىنەتىن ماماندار از.

زاڭگەر فاتيما ياكۋپباەۆا زاڭ جۇيەسىنە جاساندى ينتەللەكت ەنگىزۋ قاۋىپتى ەكەنىن مالىمدەدى. ونىڭ پىكىرىنشە، روبوت-سۋديا سوت اكتىلەرى نەگىزىندە اناليز جاساي وتىرىپ، ادىلەتسىز شەشىم قابىلداۋى مۇمكىن. زاڭگەر جي ەنگىزۋ دەموكراتيالىق قوعام مۇددەلەرىنە ساي بولعانى دۇرىس دەپ ەسەپتەيدى.

Abai.kz