بەيسەنبى كۇنى ءسال ەرتەرەك گرۋزيا پارلامەنتى كوباحيدزە مەن ۇكىمەت مۇشەلەرىنە سەنىم بىلدىرگەن. ۇكىمەت مۇشەلەرى اراسىندا تەك قورعانىس ءمينيسترى (جاڭا قورعانىس ءمينيسترى يراكلي چيكوۆاني بولدى) عانا اۋىستى. جاڭا ۇكىمەتتى قولداپ 84 دەپۋتات داۋىس بەرگەن، 10 دەپۋتات قارسى قارسى بولعان.

45 جاستاعى يراكلي كوباحيدزە 2012 جىلدان بەرى بيلىكتە وتىرعان "گرۋزين ارمانى" پارتياسىنان تاعايىندالعان جەتىنشى پرەمەر-مينيستر. وعان دەيىن ۇكىمەتتى باسقارعان يراكلي گاريباشۆيلي 29 قاڭتاردا وتستاۆكاعا كەتىپ، باسقارۋشى پارتيا جەتەكشىسى بولدى.

اقپارات قۇرالدارى باسقارۋشى كومانداداعى كادرلىق اۋىس-تۇيىستەردى بىلتىر جىل سوڭىندا جازا باستاعان. سول كەزدە "گرۋزين ارمانى" پارتياسىنىڭ نەگىزىن قالاۋشى، ميللياردەر بيدزينا ءيۆانيشۆيليدىڭ ساياساتقا ورالعانى رەسمي تۇردە ايتىلعان. ول پارتيانىڭ قۇرمەتتى توراعاسى اتانىپ، پارتيا جارعىسىنا وزگەرىستەر ەنگىزىلدى. قۇرمەتتى توراعادا پارتيا مۇشەلەرىنىڭ ءبىرىن پرەمەر-مينيستر قىزمەتىنە ۇسىنۋ قۇقىعى بار.

گرۋزياداعى باستى وپپوزيتسيالىق پارتيا "بىرىڭعاي ۇلتتىق قوزعالىسى" گرۋزين بيلىگىندەگى وزگەرىستەر باسقارۋشى پارتياداعى داعدارىس ماسەلەسىن شەشە المايتىنىن مالىمدەدى.

"بۇل ميللياردەردىڭ ينتريگاسى. ول ءوزىن بايىتۋ ءۇشىن عانا قوزعالىپ وتىر" دەدى پارتيا جەتەكشىسى لەۆان حابەيشۆيلي.

ال بيدزينا يۆانيشۆيلي جۋىردا "جەمقورلىق قاتەرىنە" ءتيىستى شارا قولداناتىنىن ايتتى.

Abai.kz