قازىرگى ماڭعىستاۋ – كۇرەس پەن ەرلىكتىڭ الاڭى. ساپ تۇزەگەن اسەم قالالار، تۇبەك ءتوسىن ايقىش-ۇيقىش كەسىپ وتكەن تەمىر جولدار... «فونتان بوپ مىناۋ بەتىمەن جەردىڭ جۇيتكىگەن قارا داريا»، «مۇنارالار، سىڭسىعان مۇنارالار...» ءبارى دە وسىندا. تولقىندى كاسپي تورىندە ورنالاسقان، تاستان گۇل بولىپ ورىلگەن اقتاۋ دا وسىندا... ەندەشە، ارۋ قالامىزدى جىرعا قوسپاۋ، انگە قوسپاۋ مۇمكىن بە،-دەپ كەشتى ەكپىندەتە اشقان اقتاۋ قالالىق ورتالىق كىتاپحاناسىنىڭ قىزمەتكەرلەرى گۇلفاريدا مەن مەرەكە كەش كۋاگەرلەرىن وقىرمان قاۋىمعا، جينالعان جىرسۇيەر
جاس قاۋىمعا جەكە-جەكە تانىستىردى.

راحات تا، گۇلنار دا «شاڭى بوراعان، جازى ىستىق، قىسى قاقاعان قارا سۋىق»، بىراق وزدەرىنىڭ جۇزىنە سول سۋىق جەل مايداي جاعاتىن ماڭعىستاۋ – بوز دالادا تۋىپ-وسكەن ازاماتتار. ەڭبەك جولدارىندا تاي-قۇلىنداي تەبىسكەن دوستارىمەن بىرگە «اق داۋىلدى اۋىلدا» باستاعان.
جىرلارىنىڭ دا «اقىننىڭ اركەز ءتىل ۇشىندا عوي جىر-ءانى، و، دالام مەنىڭ-قاناتتىلاردىڭ تۇراعى! ساعىنام سەنى وسىناۋ الىپ جۇرەكپەن، كوكىرەگىم مەنىڭ ساعىنىشتاردان تۇرادى!»، - دەپ وزدەرىنىڭ جىرلارىندا ايتىلعانداي كوبىنە ساردالاسى ماڭعىستاۋىنا ارنالاتىنى سوندىقتان.

قازىرگى ماڭعىستاۋ – كۇرەس پەن ەرلىكتىڭ الاڭى. ساپ تۇزەگەن اسەم قالالار، تۇبەك ءتوسىن ايقىش-ۇيقىش كەسىپ وتكەن تەمىر جولدار... «فونتان بوپ مىناۋ بەتىمەن جەردىڭ جۇيتكىگەن قارا داريا»، «مۇنارالار، سىڭسىعان مۇنارالار...» ءبارى دە وسىندا. تولقىندى كاسپي تورىندە ورنالاسقان، تاستان گۇل بولىپ ورىلگەن اقتاۋ دا وسىندا... ەندەشە، ارۋ قالامىزدى جىرعا قوسپاۋ، انگە قوسپاۋ مۇمكىن بە،-دەپ كەشتى ەكپىندەتە اشقان اقتاۋ قالالىق ورتالىق كىتاپحاناسىنىڭ قىزمەتكەرلەرى گۇلفاريدا مەن مەرەكە كەش كۋاگەرلەرىن وقىرمان قاۋىمعا، جينالعان جىرسۇيەر
جاس قاۋىمعا جەكە-جەكە تانىستىردى.

راحات تا، گۇلنار دا «شاڭى بوراعان، جازى ىستىق، قىسى قاقاعان قارا سۋىق»، بىراق وزدەرىنىڭ جۇزىنە سول سۋىق جەل مايداي جاعاتىن ماڭعىستاۋ – بوز دالادا تۋىپ-وسكەن ازاماتتار. ەڭبەك جولدارىندا تاي-قۇلىنداي تەبىسكەن دوستارىمەن بىرگە «اق داۋىلدى اۋىلدا» باستاعان.
جىرلارىنىڭ دا «اقىننىڭ اركەز ءتىل ۇشىندا عوي جىر-ءانى، و، دالام مەنىڭ-قاناتتىلاردىڭ تۇراعى! ساعىنام سەنى وسىناۋ الىپ جۇرەكپەن، كوكىرەگىم مەنىڭ ساعىنىشتاردان تۇرادى!»، - دەپ وزدەرىنىڭ جىرلارىندا ايتىلعانداي كوبىنە ساردالاسى ماڭعىستاۋىنا ارنالاتىنى سوندىقتان.

كەش بارىسىندا قالاداعى ماڭعىستاۋ گۋمانيتارلىق جانە «مەريديان» مەديتسينالىق كوللەدجدەرىنىڭ ستۋدەنتتەرى اۆتورلاردىڭ جيناققا توپتالعان ولەڭدەرىنەن مانەرلەپ وقىپ، اقىن اعا، اپالارىنا ادەبيەت پەن پوەزياعا قاتىستى وزدەرىن تولعاندىرىپ جۇرگەن ساۋالدارىن قويدى. جاس تالاپكەر مارتا ازيزوۆا دا اقتاۋدىڭ مەرەيتويىنا ارنالعان ءوز تۋىندىسىن كوپشىلىك نازارىنا ۇسىنىپ، جوعارى باعاسىن الدى.

- ارينە، ماڭعىستاۋ اقىن-جازۋشىلارىنىڭ كىتاپحاناسى سەرياسىمەن جارىققا شىققان كىتاپ اۆتورلارى كوپ، ءبىز بىرنەشە اقىندارىمىزدى اقتاۋىمىزدىڭ مەرەيلى مەرەكەسىنە وراي شاقىرساق تا، ول ازاماتتار دالەلدى سەبەپتەرمەن قاتىسا الماي وتىر. سولاي بولسا دا جاستارىمىز كوپتەپ جينالىپ، وزدەرىنىڭ پوەزياعا قۇمارلىعىن كورسەتىپ، اقىندارىمىزدىڭ جىرلارىن، تولعاۋ-
ولەڭدەرىن مانەرلەپ جاتقا وقۋى ءبىزدى قۋانتادى. قالالىق ورتالىق كىتاپحانا جانىنان جاس اقىندارعا ارنالعان «اق جاڭبىر» اتتى ۇيىرمەمىز جۇمىس جاساپ كەلەدى. وعان اركىمنىڭ مۇشە بولۋعا مۇمكىندىگى بار. كىتاپحانا مادەني-اعارتۋ، رۋحاني تازالىققا شاقىراتىن ورىن بولسا، ءبىزدىڭ وقىرماندارىمىز سانى ۋاقىت وتكەن سايىن ارتىپ وتىر. سوندىقتان اقىن-جازۋشىلارىمىزدىڭ شىعارمالارىن ناسيحاتتاپ، حالىققا جاريا ەتىپ وتىرۋ– پارىزىمىز. مۇنداي كەشتەر الدا دا
جالعاساتىن بولادى، - دەدى اقتاۋ قالالىق ورتالىق كىتاپحاناسىنىڭ ديرەكتورى ساۋلەماي ەلەمەس.

 Abai.kz