ماڭعىستاۋ وبلىسىنىڭ 40 جىلدىعىنا وراي ۇيىمداستىرىلعان «اۋىلىم – التىن بەسىگىم» اتتى جاستار كەرۋەنى بەينەۋ اۋدانىندا بولىپ وتكەن ەدى. 

ۇستازدار ۇيىندە اۋدان جاستارى، جاس ماماندار باس قوسقان جيىندا ماڭعىستاۋ وبلىسىنىڭ جاستار ساياساتى ماسەلەلەرى باسقارماسىنىڭ باسشىسى باۋىرجان تۇياقوۆ ءسوز سويلەپ، ەلىمىزدىڭ ەكونوميكالىق-الەۋمەتتىك دامۋى جولىنداعى جاستاردىڭ رولىنە، جاستار ساياساتىنا قاتىستى جۇزەگە اسىرىلىپ جاتقان ماسەلەلەرگە كەڭىنەن توقتالدى.

– جاستارعا جۇكتەلەر جاۋاپكەرشىلىك مول، سونىمەن قاتار جاستاردىڭ الەۋمەتتىك جاعدايىن جاقسارتۋعا قاتىستى كوپتەگەن مۇمكىندىكتەر بار. ءبىز بۇگىنگى باس قوسۋىمىزدا جاستاردىڭ قاجەتتىلىگى، جاستاردىڭ مىندەتتەرى، ەڭبەكتى ۇيىمداستىرۋ مەن جارقىن يدەيالار جونىندە
وي-پىكىرلەرىمىزدى ورتاعا سالماقشىمىز. ال جاستارعا مەملەكەت تاراپىنان جاسالىپ جاتقان قولداۋ جونىندە ايتساق،«قولجەتىمدى باسپانا-2020» باعدارلاماسىنىڭ ءوز ولكەمىزدە جۇزەگە اسا باستاۋىن ايتار ەدىك. الداعى ۋاقىتتا اقتاۋ قالاسىندا ءۇش جۇزگە تارتا جاس وتباسى باسپانالى بولماقشى، - دەدى ول.

ماڭعىستاۋ وبلىسىنىڭ 40 جىلدىعىنا وراي ۇيىمداستىرىلعان «اۋىلىم – التىن بەسىگىم» اتتى جاستار كەرۋەنى بەينەۋ اۋدانىندا بولىپ وتكەن ەدى. 

ۇستازدار ۇيىندە اۋدان جاستارى، جاس ماماندار باس قوسقان جيىندا ماڭعىستاۋ وبلىسىنىڭ جاستار ساياساتى ماسەلەلەرى باسقارماسىنىڭ باسشىسى باۋىرجان تۇياقوۆ ءسوز سويلەپ، ەلىمىزدىڭ ەكونوميكالىق-الەۋمەتتىك دامۋى جولىنداعى جاستاردىڭ رولىنە، جاستار ساياساتىنا قاتىستى جۇزەگە اسىرىلىپ جاتقان ماسەلەلەرگە كەڭىنەن توقتالدى.

– جاستارعا جۇكتەلەر جاۋاپكەرشىلىك مول، سونىمەن قاتار جاستاردىڭ الەۋمەتتىك جاعدايىن جاقسارتۋعا قاتىستى كوپتەگەن مۇمكىندىكتەر بار. ءبىز بۇگىنگى باس قوسۋىمىزدا جاستاردىڭ قاجەتتىلىگى، جاستاردىڭ مىندەتتەرى، ەڭبەكتى ۇيىمداستىرۋ مەن جارقىن يدەيالار جونىندە
وي-پىكىرلەرىمىزدى ورتاعا سالماقشىمىز. ال جاستارعا مەملەكەت تاراپىنان جاسالىپ جاتقان قولداۋ جونىندە ايتساق،«قولجەتىمدى باسپانا-2020» باعدارلاماسىنىڭ ءوز ولكەمىزدە جۇزەگە اسا باستاۋىن ايتار ەدىك. الداعى ۋاقىتتا اقتاۋ قالاسىندا ءۇش جۇزگە تارتا جاس وتباسى باسپانالى بولماقشى، - دەدى ول.

كەلەسى كەزەكتە «قازاقستاننىڭ تۇرعىن ءۇي-قۇرىلىس جيناق بانكى» اق موف ءبىرىنشى ساناتتاعى مامانى اليا كۋشەروۆا جاستاردىڭ باسپانا الۋىنا بايلانىستى بەرىلەتىن نەسيە شارتتارىن جانە بۇل ماقساتتا بانكتە جۇرگىزىلەتىن جۇمىس باعىتتارىن جينالعاندارعا ەگجەي-تەگجەيلى ءتۇسىندىردى. سونداي-اق بەينەۋ اۋداندىق جۇمىسپەن قامتۋ ورتالىعىنىڭ باس مامانى ريشاد جولدىباەۆ جاستار اراسىنداعى جۇمىسسىزدىقتى ازايتۋ ماقساتىندا اتقارىلىپ جاتقان ىستەرگە توقتالىپ، كاسىپتىك بىلىكتىلىكتى ارتتىرۋ، قايتا دايارلاۋ جانە كاسىپكەرلىك ءىس باستاعىسى كەلەتىن جاستارعا مەملەكەت تاراپىنان كوپ كومەك كورسەتىلىپ جاتقانىن، وسىنداي مۇمكىندىكتەردى پايدالانۋ قاجەتتىلىگىن نازارعا ۇسىنىپ، «جاستار پراكتيكاسى»، الەۋمەتتىك جۇمىس ورىندارى جايلى ايتتى.

– «جاس كەلسە ىسكە» دەمەكشى، جاستار قايدا جۇمىس بار، سول جەرگە بارىپ جۇمىس ىستەۋدى ۇيرەنۋى كەرەك. ماسەلەن، شىعىس قازاقستان وبلىسىنداعى رەيدەر قالاسىنا جاستاردى جۇمىسقا شاقىرادى. باسپانا بەرىلەدى، تۇراقتى جۇمىس بولادى. مىنە، مۇنداي مۇمكىندىكتەن ءبىزدىڭ اۋىلىمىزدىڭ جاستارى قۇر قالماۋى كەرەك،- دەدى ول.

جينالىستى بەينەۋ اۋداندىق جاستار ءىسىن ۇيلەستىرۋ ورتالىعى ديرەكتورىنىڭ مىندەتىن اتقارۋشى راسۋل تايشىباەۆ قورىتىندىلاپ، جاستار ومىرىنە قاتىستى ورامدى وي پىكىرلەرىن ورتاعا سالدى. بۇل باسقوسۋ جاستار ءۇشىن پايدالى بولدى دەر ەدىك.

وسىنداي جيىندار اۋداننىڭ بورانقۇل، اقجىگىت، سارعا اۋىلدارىندا دا ءوتتى.

Abai.kz