قازاقستاننىڭ ءبىلىم بەرۋدەگى باستى ماقساتى — كوشباسى مەملەكەتتەردىڭ قاتارىنداعى ەلدەردىڭ ءبىلىم بەرۋ جۇيەسىنە كىرۋ.

باسەكە ۇدەرىسىندە ادام رەسۋرسىن ساپالى دامىتۋدىڭ ماڭىزى وتە زور، سوندىقتان نارىقتىق ەكونوميكاعا بەيىمدەلگەن باسەكەگە قابىلەتتى، جاڭا زاماندا جاڭاشا ويلايتىن، كاسىبي قۇزىرەتتى جەكە تۇلعانى دايىنداۋ شارت. بىلىكتى مامان دايارلاۋ – جوعارى وقۋ ورنىنىڭ  ءبىرتۇتاس  قۇرامداس بولىگى، ونىڭ نەگىزگى سۋبەكتىسى جوو وقىتۋشىسى بولىپ تابىلادى. بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى  كونتسەپتسياسىنىڭ 4 ماقساتى-ساپالى  ءبىلىم ەكەنىن ەسكەرە وتىرا، ءال-فارابي اتىنداعى قازاق ۇلتتىق ۋنيۆەرسيتەتىندە 2023-2024 وقۋ جىلىنا 30-دان استام جاڭا ءبىلىم بەرۋ باعدارلاماسى ازىرلەندى.قارا شاڭىراقتاعى ءبىلىم بەرۋ باعدارلامالارى جەتىلدىرۋ جانە جاڭارتۋ تاپسىرمالارىنا سايكەس  جاسالدى. قازۇۋ-دىڭ ءبىلىم بەرۋ باعدارلامالارىن جوبالاۋ كەڭسەسىنىڭ مالىمەتىنشە، بيىلعى وقۋ جىلىنا ۋنيۆەرسيتەتتە جاڭادان ازىرلەنگەن ءبىلىم بەرۋ باعدارلامالارى باكالاۆرياتتا – 10, ماگيستراتۋرادا – 21, دوكتورانتۋرادا – 5. سونداي-اق 120-دان استام ءبىلىم بەرۋ باعدارلامالارى جاڭارتىلدى، ونىڭ ىشىندە باكالاۆريات – 47, ماگيستراتۋرا – 73, دوكتورانتۋرا – 3.

ءبىلىم بەرۋ باعدارلاماسى – وقىتۋدىڭ ماقساتىن، ناتيجەلەرى مەن مازمۇنىن، ءبىلىم بەرۋ پروتسەسىن ۇيىمداستىرۋدى، ولاردى ىسكە اسىرۋ تاسىلدەرى مەن ادىستەرىن، وقىتۋ ناتيجەلەرىن باعالايدى.

قازۇۋ-دىڭ ءبىلىم بەرۋ باعدارلامالارى مىناداي قۇرىلىمعا يە:

* باكالاۆريات- ءبىلىم بەرۋ باعدارلامالارى ءتيىستى ماماندىق بويىنشا باكالاۆر دارەجەسىن بەرەتىن كادرلاردى دايارلاۋعا باعىتتالعان جوعارى ءبىلىم. وقۋ مەرزىمى – 4 جىل.

*ماگيستر دەڭگەيى-ءبىلىم بەرۋ باعدارلامالارى دايارلاۋدىڭ ەكى باعىتى بويىنشا جۇزەگە اسىرىلادى: عىلىمي-پەداگوگيكالىق جانە بەيىندى –تۇلەكتەرگە كەيىننەن عىلىمي، پەداگوگيكالىق، باسقارۋشىلىق جانە ساراپتامالىق قىزمەتپەن تابىستى اينالىسۋعا مۇمكىندىك بەرەتىن تەرەڭدەتىلگەن مامانداندىرىلعان كاسىپتىك دايارلىقتى قامتاماسىز ەتەدى.وقۋ مەرزىمى-2 جىل.

* دوكتورانتۋرا- ءبىلىم بەرۋ باعدارلامالارى عىلىمي،كاسىپتىك قىزمەت ءۇشىن كادرلار دايارلاۋعا باعىتتالعان،دوكتور دارەجەسىن بەرە وتىرىپ، جوعارى وقۋ ورنىنان كەيىنگى ءبىلىم. دوكتورانتۋرادا وقۋ مەرزىمى – 3 جىل.

قازىرگى ۋاقىتتا ءال-فارابي اتىنداعى قازۇۋ ءبىلىم بەرۋ جانە عىلىمي-يننوۆاتسيالىق قىزمەت ناتيجەلەرىنە قول جەتكىزۋگە باعىتتالعان دامۋ باعدارلاماسىن ىسكە اسىرۋدا. ءبىزدىڭ ۋنيۆەرسيتەت QS جاھاندىق رەيتينگىندە الەمدەگى ەڭ ۇزدىك ۋنيۆەرسيتەتتەر اراسىندا 230-ورىندا، سونداي-اق ۇلتتىق جانە حالىقارالىق رەيتينگتەردە الدىڭعى ورىنداردا ەكەنى بارشاعا ءمالىم. ۋنيۆەرسيتەت ەلدىڭ الەۋمەتتىك-ەكونوميكالىق دامۋىنا قوسقان ۇلەسىن ارتتىرۋ ءۇشىن  عىلىم مەن ءبىلىم بەرۋدىڭ ناقتى ينتەگراتسياسىنا باعىت الدى. الەمنىڭ جوعارى وقۋ ورىندارى جانە عىلىمي ورتالىقتارىمەن ستراتەگيالىق ارىپتەستىك جۇزەگە اسىرىلادى. قوس ديپلوم باعدارلامالارى، حالىقارالىق جوبالار،جانە ءبىلىم الۋشىلاردىڭ اكادەميالىق ۇتقىرلىعى تابىستى جۇرگىزىلۋدە. ۋنيۆەرسيتەت تۇلەكتەرى قازاقستانداعى جانە دۇنيە جۇزىندەگى جۇمىس بەرۋشىلەر تاراپىنان جوعارى سۇرانىسقا يە. ۋنيۆەرسيتەتتىڭ وندىرىسپەن تىعىز بايلانىسى بار، بۇل ستۋدەنتتەرگە پراكتيكالىق تاجىريبە جيناقتاۋعا جانە كاسىبي داعدىلارىن دامىتۋعا مول مۇمكىندىكتەر بەرەدى.زاڭ فاكۋلتەتىنىڭ   پروفەسسورلىق-وقىتۋشىلىق قۇرامى ەلىمىزدىڭ ءبىلىم بەرۋ جانە عىلىمي الەۋەتىن ەسكەرە وتىرىپ،ساپالى ءبىلىم بەرىپ،مىقتى مامان دايارلاۋعا كۇش سالۋدا.وقۋ وردامىز الداعى ۋاقىتتا دا جوعارى ءبىلىم بەرۋ سالاسىنداعى كوشباسشى بولىپ قالا بەرەتىنىنە سەنىمىمىز مول.

ابايدەلدينوۆ ت.م،

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ وقىتۋشىسى،ز.ع.ك.

مەيرحانوۆ د.ا،

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ ماگيسترانتى.

Abai.kz