بۇگىن قازاقستان قورعانىسىنا جاۋاپتى كىشى مينيستر شايح-حاسان جازىقباەۆ: «قازاقستانداعى رەسەي اسكەرىنىڭ سانى 900-ءدى قۇرايدى»، - دەپتى. ونان سوڭ، كىشى مينيستر سارى-شاعان پوليگونى تۋرالى ءسوز ەتىپتى.

رەسەي پايدالانىپ وتىرعان پوليگوندار تۋرالى ءبىز دە اقپارات بولىسەيىك. قازاقستاندا رەسەيدىڭ قانشا اسكەرى بار دەگەن سۇراققا مينيسترلىك وكىلى جاۋاپ بەرىپتى، رەسمي. ال بايقوڭىردان باسقا، رەسەي قازاقستاندا قانداي ستراتەگيالىق نىسانداردى پايدالانادى؟

كسرو ىدىراعاننان كەيiن مەملەكەتتiڭ كوپتەگەن ماڭىزدى ستراتەگيالىق وبەكتiلەرi بۇرىنعى كەڭەستiك رەسپۋبليكالاردىڭ اۋماعىنا وتسە، نازارباەۆ بيلىگى قازاقستانداعى ماڭىزدى ستراتەگيالىق وبەكتiلەردi رەسەي قولىنا بەرە سالدى. وسىلايشا، رەسەي ءۇشىن قازاقستان قورعانىس قابىلەتى ماسەلەلەرىندە وتە ماڭىزدى ەل بولىپ شىعا كەلدى. ويتكەنى ەلىمىزدىڭ اۋماعىندا رەسەي يەلىك ەتەتىن (جالعا الىپ وتىرعان) ەڭ ءىرى 6 ستراتەگيالىق نىسان بار.

ولار:

1. 929-شى مەملەكەتتىك ۇشۋ-سىناق ورتالىعى
2. قازاقستاننىڭ باتىسىنداعى سىناق ستانتسياسى مەن ولشەۋ پۋنكتتەرى
3. قوستاناي قالاسىنداعى اۋەايلاق
4. بالقاش-9
5. سارى-شاعان پوليگونى
6. بايقوڭىر

! «ەمبى» پوليگونى قازاقستانعا 2017 جىلدان كەيىن قايتارىلدى.

كورىپ وتىرعانىمىزداي، بۇل نىسانداردىڭ بارلىعى رەسەي ءۇشىن وتە ماڭىزدى، ويتكەنى ولار اسكەري-عارىش كۇشتەرىنىڭ قاجەتتىلىكتەرى ءۇشىن، قارۋ-جاراقتى سىناۋ ءۇشىن جانە اۋە شابۋىلىنا قارسى قورعانىستى ۇيىمداستىرۋ ءۇشىن قاجەت. بۇل نىساندار رەسەيدىڭ اسكەري-عارىش سالاسى ۇشىندە وتە ماڭىزدى. سوندىقتان «قاندى قاڭتارداعى» نارازىلىقتار مەن تارتىپسىزدىكتەر كەزىندە ۇقشۇ كۇشتەرى كوپتەگەن ماڭىزدى ەكونوميكالىق جانە ستراتەگيالىق قۇرىلىستاردى قورعاۋدى قامتاماسىز ەتۋ ءۇشىن قازاقستانعا تەز ارادا جىبەرىلگەنى كەي جاعدايدا نازاردان تىس قالىپ جاتادى.

Abai.kz