KazNARU عالىمدارى زاڭسىز جەكەگە وتكەن جەر تەلىمدەرىن قايتارۋدى تالاپ ەتىپ، مالىمدەمە جاسادى. Abai.kz اقپاراتتىق پورتالى عالىمداردىڭ اتالعان مالىمدەمەلەرىن قاز قالپىندا وقىرمان تالقىسىنا ۇسىنىپ وتىر. 

KazNARU عالىمدارى جەر تەلىمدەرىن قايتارۋدى تالاپ ەتەدى!

ءماجىلىس دەپۋتاتى ەرلان سايىروۆتىڭ قازاق ۇلتتىق اگرارلىق زەرتتەۋ ۋنيۆەرسيتەتىندەگى ستۋدەنتتەر قالاشىعىنا قاراستى جەر تەلىمىنىڭ كەزىندە زاڭسىز جەكە مەنشىككە ءوتىپ كەتكەنى، ءىرى قۇرىلىس كومپانياسىنىڭ سول جەرگە كوپ قاباتتى بەس تۇرعىن ءۇي سالىپ، اقشا تابۋدى عانا كوزدەپ وتىرعانى تۋرالى جانايقايى مەن جەر تەلىمىن ۋنيۆەرسيتەتكە قايتارۋ بارىسىنداعى ازاماتتىق پوزيتسياسىن ءبىز قولدايمىز.

بۇل ماسەلە بىزدەردى، ياعني ۋنيۆەرسيتەت عالىمدارىن قاتتى الاڭداتۋدا. ويتكەنى بۇل قۇرىلىس ستۋدەنتتەر قالاشىعىنىڭ تۇتاستىعىنا نۇقسان كەلتىرۋدە. اۋقىمدى جەر اۋماعىنىڭ قورشالاۋى قولايسىزدىق كەلتىرىپ وتىر.

سونىمەن قاتار قورشالعان جەر تەلىمىندەگى ىرگەتاسى جارتىلاي قالانعان قۇرىلىستىڭ شەتتەرى وپىرىلىپ، جاقىن جەردە ورنالاسقان وقۋ عيماراتتارى، جاتاقحانالار مەن ستاديونعا ۇلكەن قاتەر تۋدىرىپ تۇر.

قالامىزدا بولعان جەر سىلكىنىسى ونسىز دا وپىرىلا باستاعان قۇرىلىستى ودان ارى قوزعاپ، ارتىنىڭ اپاتقا سوقتىرماسىنا كىم كەپىل؟

ەل ەرتەڭى – جاستارىمىزدىڭ بىلىكتى مامان بولىپ شىعۋى ءۇشىن ساپالى ءبىلىم كەرەك ەكەنى انىق. ساپالى ءبىلىم مىقتى ماتەريالدىق بازاعا بارىپ تىرەلەدى.

زاڭسىز الىنعان جەر تەلىمى ستۋدەنت جاستاردىڭ قۇقىنا قول سۇعۋمەن بىردەي ەكەنىن ايتىپ دابىل قاققان دەپۋتات ەرلان سايىروۆتىڭ يگى ءىس-ارەكەتىن قۇپتايمىز. ماسەلەنىڭ وڭ شەشىمىن تاباتىنىنا سەنىمدىمىز!

KazNARU عالىمدارى

Abai.kz