قازاقستان ۇكىمەتىنىڭ قاۋلىسىمەن وقۋ-اعارتۋ ۆيتسە-ءمينيسترى بولىپ - اراي اسىلبەكقىزى ورازوۆا تاعايىندالدى.

اراي ورازوۆا 1988 جىلى شىعىس قازاقستان وبلىسىندا دۇنيەگە كەلگەن. د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن، ا.ق. قۇسايىنوۆ اتىنداعى ەۋرازيا گۋمانيتارلىق ينستيتۋتىن بىتىرگەن.

پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2009 جىلى كوممەرتسيالىق قۇرىلىمدا IT مەنەدجەر بولىپ باستادى.

2011 جىلدان 2018 جىلعا دەيىن «ۇلتتىق اقپاراتتىق تەحنولوگيالار» اق جوبالىق كەڭسەسىنىڭ جەتەكشى مامانى، بىرقاتار قۇرىلىمدىق بولىمشەلەردىڭ باس مامانى، سىناۋشىسى، تالداۋشىسى، بيزنەس-تالداۋشىسى بولدى.

2018-2020 جىلدارى — «زەردە» ۇلتتىق ينفوكوممۋنيكاتسيالىق حولدينگى» اق دەرەكتەردى باسقارۋ كەڭسەسىنىڭ باس تالداۋشىسى، جوبالاردىڭ باس مەنەدجەرى.

2020-2021 جىلدارى — قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ تسيفرلاندىرۋ دەپارتامەنتى ديرەكتورىنىڭ ورىنباسارى.

2021 جىلدان باستاپ قازىرگى ۋاقىتقا دەيىن «ۇلتتىق اقپاراتتىق تەحنولوگيالار» اق باسقارما توراعاسىنىڭ ورىنباسارى قىزمەتىن اتقاردى.

Abai.kz