سەمەيگە ساپارى بارىسىندا شقو اكىمى «باقىت» جەكە مەنشىك بالاباقشاسىنىڭ سالتاناتتى اشىلۋىنا قاتىستى. وبلىس اكىمى شاعىن ورتالىق قۇرىلىسىنىڭ قۇرىلتايشىلارى مەن بۇلدىرشىندەردى جاڭا عيماراتتىڭ پايدالانۋعا بەرىلۋىمەن قۇتتىقتاپ، قالا اكىمدىگى تاراپىنان اتالعان نىسانعا مەملەكەتتىك تاپسىرىس بولاتىنىن جەتكىزدى. سونداي-اق، مۇنداي مەكەمەلەردى سالۋ ءوڭىردىڭ وزگە دە قالالارى مەن اۋداندارىنا ۇلگى بولۋى قاجەتتىگىن اتاپ ءوتتى.

وبلىس اكىمى بالاباقشا عيماراتىن ارالاپ كورىپ، بۇلدىرشىندەر دايارلاعان شاعىن مەرەكەلىك كەشتىڭ كۋاسى بولدى. مەكتەپكە دەيىنگى ساپالى ءبىلىم مەن تاربيە بەرۋدى ماقسات ەتكەن بالاباقشادا قازاق ءتىلى مەن اعىلشىن تىلدەرىن تەرەڭدەتىپ وقىتۋ، بالالاردىڭ شىعارماشىلىق قابىلەتىن دامىتۋ، دەنە-شىنىقتىرۋ سىندى وقۋ-تاربيە باعدارلامالارى بار.

اۋباكىروۆتەر وتباسى سالعان بالاباقشادا 6 توپ جۇمىس ىستەيدى. 150 بالا قامتىلاتىن 6 توپتىڭ جارتىسىندا ءتالىم-تاربيە مەملەكەتتىك تىلدە، جارتىسىندا ورىس تىلىندە بەرىلەدى. جاڭا وقۋ جىلىندا بۇلدىرشىندەرگە ەرەكشە تارتۋ بولعان بالاباقشا عيماراتى جاس ەرەكشەلىكتەرى ءارتۇرلى ءتورت توپتاعى بالالارعا ارنالعان.

سەمەيگە ساپارى بارىسىندا شقو اكىمى «باقىت» جەكە مەنشىك بالاباقشاسىنىڭ سالتاناتتى اشىلۋىنا قاتىستى. وبلىس اكىمى شاعىن ورتالىق قۇرىلىسىنىڭ قۇرىلتايشىلارى مەن بۇلدىرشىندەردى جاڭا عيماراتتىڭ پايدالانۋعا بەرىلۋىمەن قۇتتىقتاپ، قالا اكىمدىگى تاراپىنان اتالعان نىسانعا مەملەكەتتىك تاپسىرىس بولاتىنىن جەتكىزدى. سونداي-اق، مۇنداي مەكەمەلەردى سالۋ ءوڭىردىڭ وزگە دە قالالارى مەن اۋداندارىنا ۇلگى بولۋى قاجەتتىگىن اتاپ ءوتتى.

وبلىس اكىمى بالاباقشا عيماراتىن ارالاپ كورىپ، بۇلدىرشىندەر دايارلاعان شاعىن مەرەكەلىك كەشتىڭ كۋاسى بولدى. مەكتەپكە دەيىنگى ساپالى ءبىلىم مەن تاربيە بەرۋدى ماقسات ەتكەن بالاباقشادا قازاق ءتىلى مەن اعىلشىن تىلدەرىن تەرەڭدەتىپ وقىتۋ، بالالاردىڭ شىعارماشىلىق قابىلەتىن دامىتۋ، دەنە-شىنىقتىرۋ سىندى وقۋ-تاربيە باعدارلامالارى بار.

اۋباكىروۆتەر وتباسى سالعان بالاباقشادا 6 توپ جۇمىس ىستەيدى. 150 بالا قامتىلاتىن 6 توپتىڭ جارتىسىندا ءتالىم-تاربيە مەملەكەتتىك تىلدە، جارتىسىندا ورىس تىلىندە بەرىلەدى. جاڭا وقۋ جىلىندا بۇلدىرشىندەرگە ەرەكشە تارتۋ بولعان بالاباقشا عيماراتى جاس ەرەكشەلىكتەرى ءارتۇرلى ءتورت توپتاعى بالالارعا ارنالعان.
مەكتەپكە دەيىنگى مەكەمەدە 100 ورىنعا ارنالعان مەملەكەتتىك ءبىلىم بەرۋ تاپسىرىسى بار. ءبىر بالاعا ايىنا 8300 تەڭگە تولەنەدى. جەكە مەنشىك نىساننىڭ جۇمىس كەستەسى تاڭعى 7.45-تەن كەشكى 19.00-گە دەيىن قۇرىلعان. مۇندا بۇلدىرشىندەرگە دارۋمەنى مول ءتورت ۋاقىت تاماقتانۋ جۇيەسى جولعا قويىلعان. سونداي-اق، دارىگەر-پەدياتر، ديەتالىق مەدبيكە بالا دەنساۋلىعىن ۇنەمى قاداعالاپ وتىرۋى ماقساتىندا مەديتسينالىق قىزمەت كورسەتىلەدى. بالالارمەن لوگوپەد-پسيحولوگ، بي مامانى، مۋزىكا جەتەكشىسى جۇمىس ىستەيدى.

– ءبىزدىڭ پەداگوگيكالىق ۇجىمىمىز 20 مۇعالىممەن، ونىڭ ىشىندە 11 جوعارى ءبىلىمدى، 9 ارناۋلى ورتا ءبىلىمدى ۇستازدارمەن قامتىلعان. مەكتەپكە دەيىنگى ءبىلىم بەرۋ جۇيەسىندە 3 پەن 5 جاس ارالىعىنداعى بالالاردىڭ پسيحولوگيالىق جانە فيزيولوگيالىق دەنساۋلىعىن نىعايتۋدى، جەكە قابىلەتتەرىن دامىتۋدى كوزدەيمىز، – دەدى بالاباقشا ديرەكتورى تۇرسىنعايشا اۋباكىروۆا.

سونىمەن قاتار، ايماق باسشىسى سەمەيلىك ءباسپاسوز وكىلدەرىمەن دوڭگەلەك ۇستەل باسىندا كەزدەسىپ، تىلشىلەر تاراپىنان قويىلعان ساۋالدارعا جاۋاپ بەرىپ، قالانىڭ الەۋمەتتىك-ەكونوميكالىق دامۋى تۇرعىسىندا وي ءبولىستى.
قالا جۇرتشىلىعى اراسىندا «تيحي پەرەۋلوك» اتالىپ كەتكەن شاعىن كوشەدەگى №8 ءۇيدىڭ تۇرعىندارىمەن جۇزدەسىپ، 1951 جىلى پايدالانۋعا بەرىلگەن ەكى قاباتتى ءۇيدىڭ جىلۋ جۇيەسىنە قاتىستى ماسەلەلەرىن تىڭدادى. «قازاقستان – ساليۋت» جشس كاسىپورنى سالىپ جاتقان انيماترونيكس ورتالىعىنىڭ قۇرىلىسىمەن تانىستى. سونداي-اق، بالالار تۋبەركۋلەز اۋرۋحاناسى مەن كوپسالالى اۋرۋحانا قۇرىلىستارىن ارالاپ كورىپ، «شىعىس برويلەر» جشس ءوندىرىس بازاسىندا بولدى.