سەنبى, 20 شىلدە 2024
1451 4 پىكىر 10 مامىر, 2024 ساعات 16:24

50 مىڭ اسكەر توپتاستى: رەسەي قايدا شابۋىل جاساماق؟

سۋرەت: الەۋمەتتىك جەلىدەن الىندى

رەسەي اسكەرى ۋكراينانىڭ سولتۇستىك شەكاراسىنداعى اسكەر سانىن ارتتىرۋدا. بۇل تۋرالى سوعىستى زەرتتەۋ ينستيتۋتى (ISW) مالىمدەدى.  جاڭا بولىمشەلەر سانىن ارتتىرۋ ارقىلى، رەسەي اسكەرى ۋكراينانىڭ ەكىنشى ۇلكەن قالاسى سانالاتىن حاركوۆكە شابۋىل جاساماق دەيدى ينستيتۋت ساراپشىلارى. بۇل تۋرالى Mezgil.kz اقپاراتتىق پورتالى جازدى

ساراپشىلاردىڭ پىكىرىنشە رەسەي ۋكراينانىڭ سولتۇستىك شەكاراسىندا 50 مىڭ ساربازدى توپتاستىرعان. ولاردىڭ 31 مىڭى بەلگورود وبلىسىندا، 10 مىڭى كۋرسك ماڭىندا، ال 9 مىڭى بريانسك ايماعىندا شوعىرلانعان.

سپۋتنيكتىك باقىلاۋلار رەسەي اسكەرىنىڭ كۋرسك ستانتسيالارىنان ءتۇسىپ، بەلگورودقا قاراي بەت العانىن ايتۋدا. وسىلايشا رەسەي حاركوۆكە جاقىن ماڭعا اسكەري بولىمشەلەرىن ورنالاستىرۋدا. رەسەي زاپوروج باعىتىندا ۇرىس جۇرگىزىپ جاتقان 76-شى ديۆيزيانى مايداننان الدىرىپ، كۋرسك وبلىسىنا ورنالاستىرعانى انىقتالدى. ISW-ءدىڭ مالىمەتىنشە سولتۇستىك بولىمشەلەر نەگىزىنەن لەنينگراد اسكەري وكرۋگىنەن جاساقتالۋدا.

اسكەري ساراپشىلار بۇل اسكەردىڭ حاركوۆ قالاسىن باسىپ الۋعا جەتكىلىكسىز ەكەنىن جازۋدا. بۇعان دەيىن BILD باسىلىمى رەسەيدىڭ حاركوۆتى باسىپ الۋى ءۇشىن 20-40 مىڭ ساربازدى شابۋىلعا جىبەرۋى مۇمكىن ەكەنىن جازعان بولاتىن.

The Financial Times باسىلىمىنىڭ جازۋىنشا حاركوۆكە جاپپاي شابۋىل مامىر ايىنىڭ سوڭىندا نەمەسە ماۋسىمنىڭ باسىندا باستالۋى مۇمكىن. قازىرگى تاڭدا رەسەي اسكەرى حاركوۆتى زىمىرانمەن اتقىلاپ، حالىقتىڭ قالادان بوسىپ كەتۋى ءۇشىن جىلۋ-جارىق جۇيەلەرىنە سوققى جاساۋدا.

ساراپشىلار كرەمل ءۇشىن حاركوۆتى الۋ ماڭىزدى ەكەنىن ايتۋدا. «كيەۆتەن كەيىن حالقى كوپ، مەگاپوليس سانالاتىن قالانى باسىپ الۋ، ماسكەۋ ءۇشىن يدەولوگيالىق، اسكەري تۇرعىدان ۇلكەن جەڭىس سانالار ەدى» دەيدى ولار.

Abai.kz

4 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1306
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2047
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2090