اتىراۋ وبلىسىنىڭ تج جونىندەگى جەدەل شتابى 4787 گا ەگىلگەن ەگىن القابىنىڭ 85 گا سۋ استىندا قالعاندىعىن حابارلايدى.

"وبلىس بويىنشا بيىل 10 825 گا ەگىن ەگۋ جوسپارلاندى. تاسقىن اۋماقتارىندا ورنالاسقان القاپتاردىڭ  85 گا ەگىلگەن ەگىن سۋ استىندا قالىپ وتىر. سونىمەن بىرگە، كوكتەمگى دالا جۇمىسىن جۇرگىزۋگە ارنايى دايىندالعان جەردىڭ 4000 گا سۋ باستى. اۋىلشارۋاشىلىعى مينيسترلىگى زارداپ شەككەن وڭىرلەرگە وتەماقى تولەۋ جونىندە قاعيدا جاريالاعان بولاتىن.

وسىعان بايلانىستى، شارۋاشىلىعى تاسقىننان زارداپ شەككەن اۋدانداردا كوميسسيا قۇرىلۋدا. وتىنىشتەر قابىلدانىپ، شىعىن وتەلەتىن بولادى. اتىراۋ قالاسى اۋماعىندا تاسقىننان زارداپ شەككەن شارۋاشىلىق نىساندارىنىڭ قاتارىندا الما باقتار، ەگىستىك القاپتارى بار", – دەدى اتىراۋ وبلىسى اۋىلشارۋاشىلىعى باسقارماسى ءبولىم باسشىسىنىڭ مىندەتىن اتقارۋشى ازات قاپانوۆ.

تاسقىن سۋدان قىزىلقوعا، جىلىوي، ماحامبەت، يندەر اۋداندارىندا جانە اتىراۋ قالاسىنداعى شارۋا قوجالىقتارىنىڭ بىرقاتارى زارداپ شەگىپ، قازىرگى تاڭدا اتىراۋ وبلىسى بويىنشا 500 گا استام ەگىن القابى قاۋىپتى ايماقتا تۇر. اتالمىش اۋماقتار قورشالىپ، ولارعا بوگەت ورناتىلعان.

Abai.kz