1 ماۋسىمدا ماگيستراتۋراعا كەشەندى تەستىلەۋدەن وتۋگە قۇجات قابىلداۋ باستالادى
ۇلتتىق تەستىلەۋ ورتالىعى 1 ماۋسىم مەن 8 شىلدە ارالىعىندا ماگيستراتۋراعا تۇسۋگە ارنالعان كەشەندى تەستىلەۋگە ءوتىنىش قابىلداناتىندىعىن حابارلادى.
"تىركەلۋ بارىسىندا ءسىز تەستىلەۋ وتەتىن قالا مەن ورىندى ءوزىڭىز تاڭدايسىز. تەستىلەۋ ورنى مەن ۋاقىتى تۋرالى اقپارات 13 شىلدەگە دەيىن ۇمىتكەردىڭ جەكە كابينەتىنە جولدانادى", – دەلىنگەن ۇلتتىق تەستىلەۋ ورتالىعىنىڭ حابارلاماسىندا.
قۇجاتتاردى ۇلتتىق تەستىلەۋ ورتالىعىنىڭ سايتى ارقىلى ونلاين وتكىزۋگە بولادى.
بيىل كەشەندى تەستىلەۋ 20 شىلدە مەن 10 تامىز ارالىعىندا وتەدى. وعان قاتىسۋ ءۇشىن 14 693 تەڭگە تولەۋ قاجەت.
Abai.kz
