عىلىم جانە جوعارى ءبىلىم ۆيتسە-ءمينيسترى تالعات ەشەنقۇلوۆ بيىل 10 576 ورىنعا شاقتالعان 27 جاتاقحانانى قولدانىسقا بەرۋ جوسپارلانعانىن ايتتى. ولاردىڭ 19-ى جوعارى وقۋ ورىندارىنا، 8-ءى كوللەدجدەردىڭ ستۋدەنتتەرىنە ارنالادى.

“قازىردە 1 540 ورىنعا ارنالعان جەتى جاتاقحانادا ءتيىستى جۇمىستار تولىعىمەن اياقتالىپ، كەلەر وقۋ جىلىنا ستۋدەنتتەردى قابىلداۋعا ءازىر. قۇرىلىس نەمەسە رەكونسترۋكتسيا جۇمىستارىن جۇرگىزۋ بويىنشا وبلىستار مەن رەسپۋبليكالىق ماڭىزى بار قالالاردا جول كارتالارى دايىندالدى. جوسپارلانعان نىسانداردىڭ دەنى قىركۇيەككە دەيىن پايدالانۋعا بەرىلەدى”، – دەدى تالعات ەشەنقۇلوۆ.

ۆيتسە-مينيستر قۇرىلىس، رەكونسترۋكتسيا قاراستىرىلعان عيماراتتاردىڭ باسىم كوپشىلىگىندە جۇمىس 75% دەڭگەيىنەن جوعارى ورىندالعانىن جەتكىزدى.

تامارا دۇيسەنوۆا ماسەلەنىڭ ماڭىزدىلىعىنا ەرەكشە توقتالىپ، ءتيىستى تاپسىرما بەردى.

“قۇرىلىس ماۋسىمىنىڭ ۋاقىتى شەكتەۋلى. سوندىقتان جاۋاپتى مينيسترلىكتەرمەن قاتار وبلىس اكىمدىكتەرى جۇمىستىڭ ۋاقتىلى ءارى ساپالى اتقارىلۋىن تۇراقتى تۇردە قاداعالاۋى كەرەك. نىساندارداعى قۇرىلىس، رەكونسترۋكتسيا شارالارىنىڭ قارقىنىن اپتا سايىن قاراستىرامىز. بۇل جۇمىسقا جەكە كاسىپكەرلەردىڭ قىزىعۋشىلىعى جوعارى ەكەنى بايقالادى. سول سەبەپتى جاتاقحانا سالۋعا نيەتتى بيزنەس وكىلدەرىنە قاجەتتى جاعداي جاساۋعا قاتىستى شارالاردى قاراستىرۋ كەرەك، – دەدى ۆيتسە-پرەمەر.

Abai.kz