ورال قالاسىندا 21 جاستاعى جۇرگىزۋشىنىڭ جول ەرەجەسىن 53 رەت بۇزعانى بەلگىلى بولدى.

بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي، 6 تامىز كۇنى ورال قالاسى پوليتسيا باسقارماسى پاترۋلدىك پوليتسيا باتالونىنىڭ قىزمەتكەرلەرى Suncar Smart Qorgau جۇيەسى ارقىلى جىلدامدىقتى بىرنەشە رەت ارتتىرعان «Hyundai» اۆتوكولىگىن انىقتاپ، جاۋاپقا تارتتى.

«تەكسەرۋ كەزىندە 21 جاستاعى جۇرگىزۋشىنىڭ وبلىس ورتالىعىنىڭ كوشەلەرىندە 53 رەت جول ەرەجەسىن بۇزعانى انىقتالدى. قۇقىق بۇزۋشىلىق نەگىزىنەن جىلدامدىق رەجيمىنەن اسىپ كەتۋگە بايلانىستى بولدى. ايىپپۇلدىڭ جالپى سوماسى 1 ملن 300 مىڭ تەڭگەگە جەتتى. ايتا كەتۋ كەرەك، جۇرگىزۋشى ايىپپۇل سوماسىنىڭ 50 پايىزىن تولەپ، قارىزدى جەڭىلدەتىلگەن تارتىپپەن وتەۋگە قۇقىلى. قازىرگى ۋاقىتتا اۆتوكولىك ارنايى اۆتوتۇراققا قامالدى»، - دەپ حابارلادى ۆەدومستۆودان.

Abai.kz