قۋاندىق بيشىمباەۆتىڭ قىلمىسىن جاسىرامىن دەپ اباقتىعا جابىلعان ءىنىسى باقىتجان بايجانوۆ ءالى كۇنگە سوت شەشىمىمەن كەلىسپەي وتىر. بۇل جولى ول جازانى جەڭىلەتۋدى سۇراپ جوعارعى سوتقا شاعىم تۇسىرگەن دەپ حابارلايدى Abai.kz Qaz365.kz-كە سىلتەمە جاساپ.

ءىس ماتەريالدارى جوعارعى سوت سۋدياسىنىڭ قولىنا ءتيىپتى. بىراق تىڭدالىم كۇنى ازىرشە بەلگىسىز.

باقىتجان بايجانوۆ اسا اۋىر قىلمىستى جاسىردى دەگەن ايىپپەن 4 جىلعا باس بوستاندىعىنان ايىرىلعان. ال سول قىلمىستى جاساعان، ياعني ايەلىن ازاپتاپ ولتىرگەن ءۇشىن ايىپتى دەپ تانىلعان بۇرىنعى ۇلتتىق ەكونوميكا ءمينيسترى قۋاندىق بيشىمباەۆ 24 جىلعا سوتتالعان. ەكس-ءمينيستردىڭ اپەللياتسيالىق شاعىمى دا قاناعاتتاندىرىلعان جوق. قازىر ول جازاسىن قاتاڭ تارتىپتەگى كولونيادا وتەپ جاتىر.

Abai.kz