26 قازانعا پارلامەنتتىك سايلاۋدى تاعايىنداۋ تۋرالى جارلىققا قول قويعان گرۋزيا پرەزيدەنتى سالومە زۋرابيشۆيلي ولاردىڭ ماڭىزدىلىعىن مالىمدەدى.

«شەشىم قابىلداۋ كۇنى، تاڭداۋ كۇنى، امان قالۋ كۇنى جاقىنداپ كەلەدى»، - دەدى گرۋزيا پرەزيدەنتى.

زۋرابيشۆيلي «26 قازاندا سايلاۋشىلار بەيبىتشىلىك پەن سوعىستى تاڭداۋى كەرەك»، - دەگەن «گرۋزين ارمانى» مالىمدەمەسىن وتىرىك دەپ اتادى. «بۇگىندە گرۋزيادا ەشكىم سوعىستى قالامايدى»، - دەدى پرەزيدەنت.

ونىڭ ايتۋىنشا، سايلاۋشىلار ەۋروپا نەمەسە رەسەيدىڭ ءبىرىن تاڭداۋعا دايىندالۋى كەرەك!

گرۋزين مەملەكەتى باسشىسىنىڭ ايتۋىنشا، وپپوزيتسيالىق پارتيالاردىڭ سايلاۋدا جەكە-دارا جەڭىسكە جەتۋ ءۇشىن رەسۋرستارى مەن جاعدايلارى جوق. ول ولاردىڭ ىنتىماقتاستىعى پارلامەنتتىڭ وزىندە قاجەتتىگىن اتاپ ءوتتى.

«26 قازاندا گرۋزين حالقى جەڭىسكە جەتىپ، ءوز ءسوزىن ايتادى»، - دەپ تۇيىندەدى ول ءسوزىن.

گرۋزيا پپرەزيدەنتى سالومە زۋرابيشۆيلي تىكەلەي ەفيردە پارلامەنتتىك سايلاۋدى 26 قازانعا تاعايىنداۋ تۋرالى جارلىققا قول قويدى. گرۋزيا كونستيتۋتسياسىنا سايكەس پرەزيدەنت كونستيتۋتسيادا بەلگىلەنگەن تارتىپپەن پارلامەنت سايلاۋىن تاعايىندايدى; پارلامەنتتىڭ كەزەكتى سايلاۋى «پارلامەنتتىڭ وكىلەتتىك مەرزىمى اياقتالاتىن كۇنتىزبەلىك جىلدىڭ قازان ايىنىڭ سوڭعى سەنبىسىندە» وتكىزىلەدى. گرۋزيادا سايلاۋدى وتكىزۋ كۇنىن بەلگىلەۋمەن بىرگە رەسمي تۇردە سايلاۋ الدىنداعى ناۋقان باستالادى.

150 دەپۋتاتتان تۇراتىن گرۋزيا پارلامەنتى العاش رەت تولىق پروپورتسيونالدى جۇيە بويىنشا سايلانادى.

Abai.kz