«رەسەيدىڭ ۋكرايناداعى قالالار مەن اۋىلدارعا جاساعان ءاربىر سوققىسى سوعىستى رەسەي اۋماعىنا اۋىستىرۋ كەرەك ەكەنىن دالەلدەيدى»،- دەپ مالىمدەدى پرەزيدەنت زەلەنسكي.

«لاڭكەستىك مەملەكەت سوعىستىڭ نە ەكەنىن سەزىنۋى ءتيىس. ءبىز رەسەيلىك اسكەري نىسانداردىڭ، رەسەيلىك لوگيستيكانىڭ، ولاردىڭ اسكەري ەكونوميكاسىنىڭ سىني نىساندارىنىڭ مۇمكىندىگىنشە كوبەيۋى ءۇشىن جۇمىس ىستەۋدەمىز - وسىنىڭ ءبارى ءبىزدىڭ قارۋىمىزعا قولجەتىمدىلىك ايماعىندا بولۋى ءۇشىن. قازىر ونى ءبىزدىڭ دروندار قامتاماسىز ەتەدى»، - دەپ اتاپ ءوتتى زەلەنسكي.

ول سونداي-اق جەكسەنبى كۇنى حاركوۆقا سوققى بەرىلىپ، 50-گە جۋىق ادام زارداپ شەككەنىن ەسكە الدى.

زەلەنسكيدىڭ ايتۋىنشا، ۋكراينانىڭ ەلدىمەكەندەرىنە رەسەي ارمياسىنىڭ ءاربىر سوققىسى سوعىستى رف اۋماعىنا عانا ەمەس، ونىڭ شەكاراسىنا دا اۋىستىرۋ قاجەت ەكەنىن راستايدى.

جەكسەنبى كۇنى تاڭەرتەڭ ۋكراينانىڭ سوققىلاۋشى دروندارى ماسكەۋ مەن رەسەيدىڭ 14 وڭىرىنە شابۋىل جاسادى. بۇل تۋرالى رەسەيدىڭ قورعانىس مينيسترلىگى حابارلادى.

«بۇرىن-سوڭدى بولماعان» رەكوردتىق مولشەردەگى بارلىعى 158 سوققىلاۋشى درون رەسەي اسپانىن ارمانسىز شارلادى. رەسەيدىڭ ءبىرسىپىرا ستراتەگيالىق نىسانىنا ءدوپ سوققىلار جاسالدى. سونىڭ ىشىندە: 2 ەوەكتر ستانتسياسىنا سوققى جاسالدى. ولار: تۆەر وبلىسىنداعى كوناكوۆسكايا ستانتسياسى (مەملەكەتتىك اۋداندىق ەلەكتر ستانتسياسى) جانە ماسكەۋ وبلىسىنداعى كاشيرسكايا ستانتسياسى. بۇل ەكى ستانتسيا دا ورتەندى. سونداي-اق، سوققىلاۋشى دروندار ماسكەۋ مۇناي وڭدەۋ زاۋىتىنا دا ءدوپ ءتيدى.

ۋكراينانىڭ ۇشقىشسىز ۇشاتىن اپپاراتتارى ماسكەۋ، تۆەر، تۋلا، بريانسكى، بەلگورود، ۆورونەج، ليپەتسسكى، ريازان، كالۋگا وبلىستارىنىڭ اسپانىندا اتوي سالدى.

ۋكراينا رەسەيدىڭ ءتۇرلى وڭىرلەرىنە سوققىلاۋشى دروندار ارقىلى ءالسىن-ءالسىن شابۋىلدان ۇيىمداستىرىپ كەلەدى. ماقساتى – رەسەيدىڭ اسكەري اۋە ايلاقتارى، اسكەري نىساندار مەن ستراتەگيالىق ينفراقۇرىلىمدار، سونىڭ ىشىندە مۇناي وڭدەۋ زاۋىتتارى مەن مۇناي بازالارى.

Abai.kz